‘Mpfumelelo’ i mpfumelelo wo tsariwa hi vatswari va ngati kumbe laha ku nga riki na vatswari va ngati, hi muhlayisi, lowu nyikiwaka vatswari lava tekaka vuhlayisi byo wundla n’wana. Mpfumelelo wu nga nyikiwa hi vatswari, muhlayisi wa n’wana kumbe hi n’wana. N’wana a nga nyika mpfumelelo wa ku wundliwa ka yena loko a ri na malembe ya 10 kumbe kutlula.
Kuma vuxokoxoko byo tala hi ta mpfumelelo wo wundla kumbe u tihlanganisa na Ndzawulo ya Vululami na Nhluvukiso wa Vumbiwa eka 012 357 8205 kumbe hi ku rhumela imeyili eka: children@justice.gov.za.
