Dintlha ka
Seo o tshwanelang ho se etsa
Ho nka nako e kae
Ho bitsa bokae
Diforomo tse tlatsuwang
O ka ikopanya le mang
Ho etsa kopo ya tokelo ya ho rafa
Ha o batla tokelo ya ho rafa,o hloka tumello ho tswa ho Lefapha la Mehlodi ya Dirashwa hore o ka rafa dirashwa tulong e itseng.
Tokelo ya ho rafa ha e ya tshwanela ho feta nako ya dilemo tse 30.
Tokelo ya ho rafa e dumellwa haeba:
- Dirashwa di ka rafshwa ka botlalo
- O na le tjhelete le tsebo ya ho tsamaisa tshebetso ya merafo e hlahisitsweng ka botlalo
- Morero wa ditjhelete o tsamaellana le tshebetso ya merafo e rerilweng le nako ya yona
- Ha ho tshilafatso kapa tshenyo e sa dumellehang ho tikoloho e tla hlaha ka lebaka la tshebetso ya ho rafa
- O se o entse ditlhoko tsa tjhelete le ditlhoko tse ding bakeng sa merero ya kahisano le ya mesebetsi e behilweng
- O sa tlole Molao wa Ntshetsopele ya Mehlodi ya Dirashwa le Petroliamo, 2002 (Molao 28 wa 2002) (MPRDA)
- Tshebetso e tsamaelana le Tjhata ya Merafo.
Seo o tshwanelang ho se etsa
- Etsa kopo inthaneteng.
- Patala tefello ya kopo e sa busetsweng morao inthaneteng.
- Ha e le hore tsamaiso e amohela kopo, o tla tsebiswa hore o romele lenaneo la taolo ya tikoloho bakeng sa kamohelo.
- Tsebisa mme o ikopanye le mekgatlo kaofela e nang le thahasello le e amehang mahareng a nako ya matsatsi a 180 ho tloha ka letsatsi la tsebiso.
Ho nka nako e kae
- Haeba kopo ya hao e fihlella ditlhoko kaofela, motsamaisi wa lebatowa o tla o tsebisa ka lengolo matsatsing a 14 a ho fumanwa ha kopo ya hao ha e le hore e amohetswe.Motsamaisi wa lebatowa o tla o laela hore o ikopanye le monga mobu, mohiri wa mobu le batho bohle ba amehang.
- Haeba kopo ha e ya atleha, motsamaisi wa lebatowa o tla kgutlisetsa kopo ho wena nakong ya matsatsi a 14.
- Haeba Letona le hana ho fana ka tokelo ya ho rafa, o tla tsebiswa ka lengolo, nakong ya matsatsi a 30, le hlalosa mabaka a ho se dumele.