Ngesi
Yini lekumele ukwente
Kutsatsa sikhatsi lesingakanani
Ngabe kubita malini
Emafomu lekumele kutsi uwagcwalise
Ngubani longamutsintsa
Mayelana nekubhalisa esikhungweni semfundvo lephakeme
Ungachuba tifundvo takho enyuvesi, enyuvesi yetheknoloji nome emakolishi etifundvo tebuciko yemisebenti yetandla nekuceceshela (ema-TVET) lotikhetsele wena nangabe uyafaneleka. Emanyuvesi afundzisa tinhlelo teticu kanye netebungcweti, bese kutsi emanyuvesi etheknoloji wona afundzise tinhlelo letiphatselene nemsebenti yebuciko betandla.
Kufanele kutsi utfole siciniseko setidzingo letiphasi tekutsi wemukelwe kuleso sikhungo lotikhetsele sona.
Nangabe ungumfundzi wemave emhlaba, kufanele kutsi ucale ngekufaka kucala sicelo sekufundza kuKhomishini yaseNingizimu Afrika lephakeme, ehhovisi lemancusa, nome emishini yekuhwebelana eveni lakho lapho udzabuka khona. Ticu takho temfundvo lotitfole kulelinye live kufanele kutsi tihlolwe kucala nguMtimba waseNingizimu Afrika Wekucinisekisa Ticu Temfundvo (i-SAQA) ngembikwekutsi ubhalise. Kuhlolwa kungatsatsa tinsuku leti-16.
Yini lekumele kutsi ukwente
- Ngekubuka emaphuzu ekungena kanye netidzingo taleso sikhungo, khetsa ikhozi lofanelekako kuyo.
- Nangabe ubhalisa esikhungweni lesitimele, hlola kutsi ngabe sibhalisile yini kuLitiko Letemfundvo.
- Faka sicelo sakho usicondzise ngco kuleso sikhungo sekufundza lotikhetsele sona.
- Gcwalisa lifomu lalesikhungo lelimisiwe lekufaka sicelo.
- Ngenisa kulesikhungo lelifomu lekufaka sicelo nawo onkhe emadokhumenti ladzingekako.
Nangabe ungumfundzi wemave angephandle, faka sicelo saloku lokulandzelako:
Kutsatsa sikhatsi lesingakanana
Tikhungo letahlukene tinetikhatsi letahlukene
Kubita malini
Imali yekufundza iyehluka kuleso nakuleso sikhungo.
Emafomu lekumele kutsi uwagcwalise
Emafomu ekubhalisa ayatfolakala emanyuvesi kanye nasemakolishi e-TVET.