Ke tshelo ya molao go fana ka ditirelo tša boagi bofe goba bofe ntle le go ingwadiša le Lekgotla la Afrika Borwa la Mošomo wa Thutaboagi (SACAP).
Gore o kgone go boloka maemo a gago a boingwadišo bja seprofešene goba ‘Laesense ya go dira Mošomo,’ Ditefo ka moka tša Ngwaga tša SACAP gotee le ditefo tše dingwe di swanetše go lefša le go dula di le mo maemong a maleba. Go bohlokwa go latela Molawana wa Maitshwaro wa Mošomo gotee le ditaelo tše dingwe tša maleba tša semolao.
O ka ingwadiša bjalo ka:
- Setsebi sa Thutaboagi
- Setsebisegolo sa Theknolotši ya Thutaboagi
- Setsebi sa Theknolotši ya Thutaboagi
- Setsebi sa Bothadi bja Thutaboagi
- Motlhahlobiwa wa Thutaboagi
- Motlhahlobiwa wa Setsebisegolo sa Theknolotši ya Thutaboagi
- Motlhahlobiwa wa Setsebi sa Theknolotši ya Thutaboagi
- Motlhahlobiwa wa Bothadi bja Thutaboagi
Tshedimošo ka botlalo mabapi le boingwadišo le ditefo di hwetšagala mo go websaete ya SACAP goba o leletše lekgotla mo go 011 479 5000 goba o romele emeile go registrar.rp@sacapsa.com.
