Umrholo wokurholophala

Okuphathelene nomrholo wokurholophala

Nangabe urholophele ngokwengqondo namkha ngokomkhumbulo okukwenza bonyana ungasakwazi ukusebenza isikhathi esingangeenyanga ezisithandathu, ungenza isibawo somrholo wokurholophala.

Uzakuthola umrholo wokurholophala wasafuthi nangabe ukurholophala kwakho kuragela phambili umnyaka woke kuthi umrholo wokurholophala wesikhatjhana uwuthola nangabe ukurholophala kwakho sekuthethe iinyanga ezisithandathu begodu akufiki eenyangeni ezi-12. Umrholo wokurholophala kwasafuthi asitjho bonyana uzakuwuthola ipilo yakho yoke kodwana uzakuwuthola ngaphezu kweenyanga ezi-12.

Wazi njani bonyana uyafaneleka ukuthola umrholo?

Ukuze ufaneleke kumele:

• ube sisakhamuzi seSewula Afrika namkha ube sisakhamuzi sasafuthi namkha ube mphalali ohlala eSewula Afrika ngesikhathi wenza isibawo.
• ube neminyaka ehlangana ne-18 kufika kema-59.
• awuhlali esikhungweni sombuso
• abe nomazisi oneenomboro ezi-13, onomtlolofihlo
• awurholi imali engaphezu kwe-R86 280 nawungakatjhadi namkha ema-R 172 560 nangabe utjhadile.
• Iimpahla zakho akukameli zibe ngaphezu kwe-R1 227 600 nangabe awukatjhadi, zingabi ngaphezu kwe- R2 455 200 nawutjhadileko
• kumele uhlolwe ngudorhodere okhethwe mbuso ukubona ubungako bokurholophala kwakho
• kumele ulethe amarekhodi kunye namaripoti wezokwelatjhwa nawenza isibawo nalapho sele uhloliwe khona.

Udorhodere uzakuzalisa iripoti yezokwelatjhwa bese uthumela iripoti ku-Ejensi yokuVikeleka komPhakathi eSewula Afrika (South African Social Security Agency) i-SASSA.

Iripoti leyo ivumeleke iinyanga ezintathu kusukela ngelanga owahlolwa ngalo.

Tjheja: Nangabe ungaphasi kweminyaka eli-18 utlhoga itlhogomelo yasafuthi ngonobangela wokurholophala kwakho, umtlhogomeli wakho angenza isibawo seSondlo sabaKhubazekileko (Care Dependency Grant). abangakwazi ukuzitlhogomela Nangabe awunaye umazisi, uzakufanela bonyana uzalise i-avidavidi bese uveza isitjengiso sokobana usenzile isibawo sikamazisi kumNyango wezeKhaya. Nangabe awukasenzi isibawo sikamazisi uzakumele uyosenza kumNyango wezeKhaya eenyangeni ezintathu wenze isibawo somrholo.

Uzakuthola malini?

Inani eliphezulu ozalithola yi- R2 180 ngenyanga.

Uzakubhadalwa bunjani?

Umrholo uzakubhadalwa ngaleziindlela ezilandelako:

• uyikhetjhi endaweni ebekelwe lokho ngelanga elithileko
• uzakufakwa ebhanka yakho, kufaka nebhanka yePosini (ibhanka ingakudosela imali yokukusebenzela)
• eenkhungweni ezingarhelejwa mbuso – amakhaya wabantu abarholopheleko.

Umrholo wakho ungakujanyiswa nini?

Lokhu okulandelako kungenza umrholo wakho ujanyiswe:

• ubujamo bakho nabungatjhuguluka
• imiphumela yehlolo abalenze kuwe
• nawungabambisani nakuhlolwa ngobutjha isabelo sakho
• nawukhwabanisako namkha ungaziphathi kuhle
• nangabe kube nobutjhapha nawunikelwa isabelo leso kokuthoma.

Umrholo wakho ungaqintelwa phakathi nesikhathi

Umrholo ungaqintelwa nawu:

• hlongakalako
• nawuhlala esikhungweni sombuso
• nangabe awuthathi imali yakho iinyanga ezintathu ezilandelanako
• Nawungaphandle kwenarha.

Nangabe ungumemukeli uthathwa esikhungweni esinekontraga nombuso ukuze atlhogonyelwe khona, isabelo sakhe sizokwehliswa ngamaphesente ama-25 (R270) yenani lemali yesabelo sokutlhogomela kusukela enyangeni yesine ngemva kokuthathwa kwakhe esikhungweni leso. Isabelo esiphunguliweko singabuyiselwa ekanyeni kusukela ngelanga lelo umemukeli aphuma esikhungweni leso.

Okuphathelene nomrholo wokurholophala

Okufanele ukwenze

1. Zalisa isibawo sesabelo ema-ofisini aseduze nawe we- South African Social Security Agency (SASSA) phambi kwesiphathiswa sakwa-SASSA
2. Kumele ulethe okulandelako:
   • Ube nomazisi oneenomboro ezi-13, onomtlolofihlo nangabe awunaye umazisi:
     • kumele uzalise i-avidavidi eforomeni elisezingeni lakwa-SASSA phambi koKomtjhinara wokuFungisa ongasisisebenzi sakwa-SASSA
     • kumele ulethe isitatimende esifungelweko esisayinwe mumuntu osesikhundleni (njengekhansela, umrholi wendabuko, isisebenzi sezehlalakuhle, umfundisi namkha uphrinsipali wesikolo) ongakwazi ukufakazela igama kunye neminyaka yakho
     • isiphathiswa sakwa-SASSA sizakuthatha imigadangiso yemino yakho. Uzakuthunyelwa kumNyango wezeKhaya ukuyokwenza isibawo sikamazisi nanyana isibawo sakho sidlulisiwe. Nangabe awutholi umazisi wakho umrholo wakho uzakujanyiswa.
   • iripoti yezokwelatjhwa kunye neripoti yokuhlolwa esebenzako efakazela ukurholophala kwakho
   • isitjengiso sobujamo bomtjhado (nakukghonakalako)
   • isitjengiso sokuba sisakhamuzi
   • isitjengiso somrholo, izahlukaniso (nazikhona)
   • isitjengiso seempahla, kufaka hlangana ubungako bepahla yakho ngokuya ngokukamasipala.
   • isitjengiso sepentjheni yangeqadi (nangabe ikhona)
   • isitatimende sebhanka seenyanga ezintathu.
   • ube nomazisi oneenomboro ezi-13, onomtlolofihlo
   • imvume yobujamo bobuphalali kunye nomazisi wabaphalali oneenomboro ezi-13 incwadi ehlaza yesiKhwama seTjhorensi yokungaSebenzi (Unemployment Insurance Fund (UIF) namkha isitifiketi esivela kumqatjhi esibufakazi bokuphuma emsebenzini nangabe bewuqatjhiwe
   • ikhophi yencwadi yelifa kunye ne-akhawundi yokuthoma neyamaswaphela yokubhadala iinkwelede kunye nokwaba, nangabe umlingani wakho uhlongakele eminyakeni emihlanu edlulileko.
3. Ngemva kokuletha isibawo sakho uzakunikelwa iresidi okumele uyibeke njengesitjengiso sokwenza isibawo.

Kwenzekani isibawo sami nasingaphumeleli?

• I-ofisi yezevikeleko lomphakathi izakwazisa ngokukutlolela incwadi ngomphumela wesibawo sakho.
• Nangabe isibawo  sakho asikaphumeleli bazakunikela izizathu zokungaphumeleli kwaso lapho usungadlulisa isililo sakho usidlulisele kuNgqongqotjhe wezokuThuthukiswa komPhakathi umhlathululele bonyana kungani ungavumelani nesiqunto.
• Ungadlulisa isililo leso emalangeni ama-90 ngemva kokuthola ipendulo yokungaphumeleli kwesibawo sakho.

Isikhathi esibekiweko

• Kungathatha iinyanga ezintathu ukusebenzana nesibawo sakho.
• Nangabe isibawo sakho samukelwe, uzakubhadalwa kusukela ngelanga owenza ngalo isibawo.

Kubiza malini

Umsebenzi lo uwenzelwa simahla.

Amaforomo ekufanele uwazalise

Amaforomo wokwenza isibawo akatholakali ku-inthanethi. Ungawathola ema-ofisini aseduse nawe wevikeleko lomphakathi social security (SASSA).

Ungathintana nobani

South African Social Security Agency (SASSA)