Nangabe ufuna ukusebenza njengonesi nanyana unesi obelethisako eSewula Afrika,kufanele uzirejistare neKhansela yaboNesi yeSewula Afrika.
Esinye nesinye isitifikeyidi sokurejistara esikhutjhwa yikhansela sibufakazi bokobana umuntu onikelweko urejistarwe njengombana kuvezwe esitifikeyidini ngokwesikhathi esingangeenyanga ezili-12 ukusukela ngelanga elivezwa kusitifikeyidi. Ngemva kwalokho, kufanele ubhadale imali yaqobe mnyaka bese ngemva kwalokho uzakunikelwa isiTifikeyidi sokuPhrakthisa qobe Mnyaka ukuze uragele phambili nokuphrakthisa kilowomkhakha. I-APC yeke izakuthathwa njengobufakazi bokurejistara kizo zoke iziqu ezivelako.
Thola ilwazi elizeleko mayelana nekambiso yokurejistara kuwebhusayidi yekhansela yaboNesi i-Nursing Council website nanyana ungabathinta kilenomboro - 012 420 1000 nanyana ku- registrar@sanc.co.za.
