Isibawo sokuletha ngeenarheni iinlwana nezinto zejinethiki (ifuzo)

Okuphathelene nesibawo sephemidi yokungenisa enarheni isilwana kanye namamethiriyali  weenthako  zefuzo

Isibawo sephemidi  kuRejistra yokwenza ngcono isilwana  sokungenisa enarhweni isilwana kanye namamamethiriyali  weenthako zefuzo  eSewula Afrika. Kufanele ufake isibawo emalangeni ama-30 ngaphambi kobana uzingenise.

Nangabe ungenisa isilwana enarheni:

• Kufanele uthole isitifikeyidi kurejistra eyaziwako enarheni leyo ofuna ukususa isilwana kiyo. Isitifikeyidi kufanele sitjengise i-DNA yomhlobo weengazi zesilwana kanye nomlando omtjhazana nanyana iphrofayili yesilwana.

Nawunabhalelwa kuthola isitifikeyidesi:

• Kuzakufuneka bona uthathe isilwana osingenisakweso  usiswe siyokuhlolwa i-DNA eSewula Afrika.   Kufanele usihlole hlangana namalanga ama-30 ngemva kobana sifike.

Nangabe ungenisa enarheni umbungu:

• Kufanele ube nesitifikeyidi se-DNA yesilwana esasetjenziselwa ukuzalanisa umbungu lowo.

Nangabe ungenisa enarheni amamethiriyali weenthako zefuzo, kufanele uthole lokhu:

• I-ejenti yokungenisa enarheni imethiriyali yeenthako ukobana ibuthelele imethiriyali yeenthako zefuzo. Angeze wakghona ukubuthelela imethiriyali yeenthako wena ngokwakho. I-ejenti kufanele ipake, ileyibule bese imerega imethiriyali yeenthako zefuzo.
• Isitifikeyidi se-DNA esinemininingwana ezeleko yesilwana ngasinye sokobana imethiriyali yeenthako zefuzo izalanisiwe. Kufanele uthole isitifikeyidi kurejistra eyaziweko enarheni leyo ongenisa kiyo imethiriyali yeenthako zefuzo.

Nangabe ungenisa enarheni iinkukhu nanyana amaqanda azalako, kufanele utlole incwadi esekela lokho uyithumele kumNqophisi : WemiSebenzi  yeenLwana. Incwadakho kufanele itjho iinzathu zokobana kubayini ufuna ukungenisa amaqanda kanye neenkukhu eSewula Afrika. Kufanele uthole lokhu:

• Isitifikeyidi esibuya kumthumelipahla  weenkukhu nanyana amaqanda wenye inarha. Isitifikeyidi kufanele siqinisekise ubujamo bomhlobo wamaqanda layo kanye neenkukhwezo.

Ukusukela endaweni yobungeno, iinkukhu namaqanda zizakuthuthwa ngaphasi kwelihlo lakadorhodera weenlwana nanyana ikoloyi evalwe ngudorhodera weenlwana wombuso.

Okufanele ukwenze

1. Faka isibawo emalangeni ama-30 ngaphambi kokuwangenisa enarheni.
2. Ukungenisa isilwana enarheni kufanele wenze lokhu:
   • Kufanele uthole isitifikeyidi se-DNA kurejistra eyaziwako enarheni leyo othumela kiyi isilwana. Nawungabhalelwa kuthola isitifikeyidesi, uthole isitifikeyidi se-DNA eSewula Afrika  hlangana namalanga ama-30 WOKOBANA ISILWANA SIFIKE.  
3. Khupha bewuzalise iforomo lesibawo ngenzasi:
   • Faka isitifikeyidi se-DNA (nangabe ukghonile ukuthola isitifikeyidi).
   • Bhadala imali equntiweko kumNqophisi Mazombe: :  KumNyango wezeLimo, amaHlathi kanye neenHlambi: Standard Bank, Igatja: Arcadia, Inomboro ye-akhawundi: 011219556m, Ikhowudu yegatja: 000845/ 010845
   • Posela isibawo sakho ku: The Registrar of Animal Improvement, Private Bag X138, Pretoria, 0001
4. Ukungenisa umbungu kufanele, wenze lokhu:
   • Uthintane neRejistra eyaziwako enarheni ofuna ukuwungenisa kiyo.
   • Irejistra kufanele ikunikele isitifikeyidi se-DNA yesilwana esasetjenziselwa ukuzalanisa umbungu loyo. Angeze wahlola umbungu eSewula Afrika. 
   • Khupha bewuzalise iforomo lesibawo ngenzasi
   • Faka isitifikeyidi se-DNA
   • Bhadala imali equntiweko kumNqophisi Mazombe:  umNyango wezeLimo, amaHlathi kanye neenHlambi: Standard Bank, Igatja: Arcadia, Inomboro ye-akhawundi: 011219556m, Ikhowudu yegatja: 000845/ 010845
   • Posela isibawo sakho ku-: The Registrar of Animal Improvement, Private Bag X138, Pretoria, 0001.
5. Ukungenisa enarheni iinkukhu namaqanda azalako, kufanele wenze lokhu:
   • Utlole incwadi esekelako uyitlolele  umNqophisi: wemiSebenzi yeenLwana.
   • Incwadakho kufanele itjho iinzathu zokobana kubayini ufuna ukungenisa amaqanda kanye neenkukhu eSewula Afrika.
   • Uthintane nomthumelipahla wenarha yangaphandle  othenga kiyo iinkukhu kanye namaqanda
   • Umthumelipahla wenarha yangaphandle kufanele akunikele isitifikeyidi seenkukhu nanyana amaqanda esiqinisekisa  ubujamo bomhlobo wamaqanda kanye neenkukhwezo. 
   • Khupha bewuzalise iforomo lesibawo ngenzasi.
   • Faka incwadi esekelako kanye nesitifikeyidi esibuya kumthumelipahla wenarha yangaphandle.
   • Bhadala imali equntiweko kumNqophisi Mazombe:  KumNyango wezeLimo, amaHlathi kanye neenHlambi: Standard Bank, Igatja: Arcadia, Inomboro ye-akhawundi: 011219556m, Ikhowudu yegatja: 000845/ 010845
   • Posela isibawo sakho ku: The Registrar of Animal Improvement, Private Bag X138, Pretoria, 0001

Isikhathi esibekiweko

Kuzakuthatha amalanga ma-30 ukobana isibawo sakho sitjhejwe.

Kubiza malini

R220

Amaforomo ekufanele uwazalise

Application for the importation of animals and genetic material (Isibawo sokungenisa iinlwana kanye namamethiriyali weenthako)

Ungathintana nobani