U ḓiṅwalisa sa muinzhiniara wa phurofeshinala kha Khoro ya Inzhiniarini ya Afurika Tshipembe (ECSA) ndi ṱhoḓea ya ndeme arali:
- Vha tshi shuma mushumo wa u inzhiniara
- Vha na vhuḓifhinduleli ha kushumele kwa mushumo wa u inzhiniara
- Vha tshi ita mishumo vha tshi tevhedzela zwo sumbedzwahp kha ndaela nkene (tsumbo. Milayo ya Zwifhaṱo zwa Lushaka)
- Vha tshi tama u vha muraḓo o fhelelaho wa tshiimiswa tshi ḓivheaho.
Vha nga ita khumbelo ya u ṅwalisa sa muinzhiniara musi vho ṱhaphudza ndalukanyo dzavho dzi ṱaluswaho sa B.Sc (Eng), B.Eng, kana Dipuḽoma ya Lushaka ya Inzhiniarini. Arali vha na ndalukanyo dza mashango a nnḓa, vha nga isa khophi ya ṱhanziela ya ndalukanyo na rekhodo ya akhademiki ine ya sumbedza thero dzoṱhe dze vha ita miṅwaha ya musi vha tshi khou guda.
Nga murahu ha musi vho no wana ndalukanyo na miṅwaha miraru ya tshenzhemo ya mushumo vha ya kona u ṅwalisa sa mushumi wa nḓowedzo ya inzhiniarini kha zwiteṅwa zwa phurofesheni ya vhunzhiniara zwi tevhelaho:
- Phufesheni ya Inzhiniarini (Pr Eng)
- Rathekhinoḽodzhi wa Inzhiniarini ya Phufeshinaḽa (Pr Tech Eng)
- Muinzhiniara wa Ṱhanziela ya Phufeshinaḽa (Pr Cert Eng)
- Rathekhiniki wa Inzhiniarini ya Phurofeshinaḽa (Pr Eng Techni)
Fomo dza u ita khumbelo na vhuṱanzi vhunzhi zwi khou wanala kha ofisi dza ECSA, na kha webusaithi yayo ya www.ecsa.co.za kana vha nga dzi humbela nga imeiḽi kha engineer@ecsa.co.za.
