Ukurejistara ngengonjiniyera okufundeleko neKhansela yobuNjiniyera yeSewula Afrika (i-ECSA) kusidingo esifunwa mthetho nangabe:
- Wenza umsebenzi wobunjiniyera
- Uthatha isibopho mayelana nokwenza umsebenzi wobunjiniyera
- Wenza imisebenzi njengombana itlolwe phasi kwezinye iindawo zomthetho (isib.imiThetjhwana yokwakha eZweniloke)
- Ufisa ukuba lilunga elipheleleko lezinye iindawo zomthetho ezaziwako.
Ungafaka isibawo sokurejistara njengekhandideyidi yobunjiniyera lokha nasele uqede iziqu ezifunwako ezi-akhredithiweko ezifana ne-B Sc (Eng), B.Eng, nanyana i- National |Diploma in Engineering. Nangabe uneziqu zeenarha zangaphandle, kufanele uthumele ikhophi yesitifikeyidi sesiqu leso kanye nerekhodi ye-akhademikhi eveza zoke iimfundo ozithetheko nophumelele kizo lokha nawufundako.
Ngemva kokuthola iziqu kanye nelemuko leminyaka emithathu ubuncani bakhona ungarejistara njengesisebenzi sobunjiniyera kilemikhakha yokurejistara kumaphrofetjhini alandelako:
- I-Professional Engineer (Pr Eng)
- I-Professional Engineering Technologist (Pr Tech Eng)
- I-Professional Certificated Engineer (Pr Cert Eng)
- I-Professional Engineering Technician (Pr Eng Techni)
Amaforomo weembawo Kanye nelinye ilwazi elinengi liyatholakala ema-ofisini we-ACSA, kuwebhusayidi yayo i-www.ecsa.co.za nanyana ngokukhonjelwa nawuthumela i-imeyili ku- engineer@ecsa.co.za.