Ntsariso tani hi munjhiniyere la dyondzekeke na Huvo ya Vunjhiniyere ya Afrika-Dzonga (ECSA) i xilaveko xo sungula loko:
- U endla ntirho ya vunjhiniyere eka vanhu
- Va na vutihlamuleri eka matirhelo ya ntirho wa vunjhiniyere
- Ku tirha mintirho leyi nga vekiwa eka switshuriwa swin’wana (Milawu yo Aka ya Rixaka)
- U navela ku va xirho xa minhlangano yin’wana leyi tivekaka hi ku hetiseka.
U nga apulayela ntsariso tani hi munjhiniyere loyi a nga eku leteriweni, loko u hetile kumbe u kumile dyondzo leyi pfumeleriweke yo fana na B.Sc (Eng), B.Eng, kumbe Dipuloma ya Rixaka ya Vunjhiniyere. Loko u ri na dyondzo ya le matikweni ya le handle, u fanele ku yisa khopi ya xitifikheti xa dyondzo na nxanxameto wa tidyondzo lowu kombisaka tidyondzo hinkwato leti u ti tekeke no va u ti pasile eka malembe lama u nga ma dyondza.
Endzhaku ka loko u kumile tidyondzo na vutivi bya malembe ya le hansi ya nharhu u nga tsarisiwa tani hi mutirhi wa vunjhiniyere eka swiyenge leswi landzelaka swo titsarisela:
- Munjhiniyere la Dyondzekeke (Pr Eng)
- Munjhiniyere la Dyondzekeke eka swo Lunghisa (Pr Tech Eng)
- Munjhiniyere la Dyondzekeke no Tiyisisiwa (Pr Cert Eng)
- Munjhiniyere la Dyondzekeke eka swo Lunghisa (PrEngTechni)
Tifomo to apulaya na vuxokoxoko byo tala swa kumeka etihofisini ta ECSA, eka webusayiti www.ecsa.co.za kumbe hi ku kombela hi imeyili, engineer@ecsa.co.za.
