Arali vha tshi khou ṱoḓa u ita mushumo wa vhupholisa kha Tshumelo ya Mapholisa ya Afurika Tshipembe (SAPS) nga u tou ḓiṋetshedzela vha sa badelwi, vha tea u ita khumbelo ya u vha pholisa ḽa ḽiriseve.
Pholisa ḽa ḽiriseve ndi muraḓo wa tshitshavha ane a tou shuma nga tshifhinga (hanefha lwa iri dza 16 nga ṅwedzi) a tshi khou ita kana u shuma zwa vhupholisa kha Tshumelo ya Mapholisa ya Afurika Tshipembe (SAPS) nga u tou ḓiṋetshedza a sa badelwi.
A vha koni u tholwa sa ḽiriseve arali:
- vho vhofhololwa mushumoni he vha vha vha tshi shuma hone nga nṱhani ha vhuhoṱa
- vho vha vhe muraḓo wa SAPS we khumbelo yavho ya hanelwa uri vha dovhe vha ṅwaliswe
- vha vho fara ofisi kana poswo ya ḽihoro ḽa poḽotiki
- vha tshi shuma lwa tshoṱhe sa ramafhungo kana muimeleli wa vhoramafhungo
- vha mugudiswa
- vha muofisiri wa tsireledzo
- vha muraḓo wa tshumelo ya mapholisa a masipala
Uri vha vhe ḽiriseve vha tea u vha:
- vhe mudzulapo wa tshoṱhe wa Riphabuḽiki ya Afurika Tshipembe
- vhe na miṅwaha ya 18 na u vha fhasi ha 70
- vha si na zwo khakhiseaho muhumbuloni, vhulwadze kana maṱungu ane a nga khakhisa mashumele kwae
- wa mvumbo ya vhuḓi, hune hu tea u ambiwa zwavhuḓi nga havho.
- vho ṱhaphudza ndingo dza muhumbulo /ndingo sa zwine zwa nga tendelwa nga khomishinari wa lushaka
- vha na ṱhanziela ya pfunzo dza nṱha kana ndalukanyo dzi linganaho nayo hune vha tea u ṋetshedza na ḽiṅwalo ḽa khwaṱhisedzo
- vha tshi kona zwavho u amba, vhala na u ṅwala Luisimane sa izwi lu luṅwe lwa nyambo dza tshiofisi
- vha tshi ḓo tenda u dzhiwa magunwe nahone vha saathu wanala mulandu wa vhuṅwe vhukhakhi kana vha sa khou sengiswa mulandu
- vho ḓi imisela u pfumbudzwa
- vha tshi ḓo ita muano ofisini
- vha si na thathu dzine dza vhonala
U vha na ḽaisentse ya u reila zwo themendelwa naho i sa tou vha ṱhoḓea ya u vha ḽiriseve.
Kha vha wane vhuṱanzi vhunzhi ngaha u vha pholisa ḽa ḽiriseve kana vha kwame Tshumelo ya Mapholisa a Afurika Tshipembe.