Ngaha
Zwine vha tea u ita
Tshifhingambekanywa
Zwi ita vhugai
Fomo dzi no tea u ḓadzwa
Vha kwama inyi
Nga ha tsedzuluso dza ndalukanyo dza shangoni ḽa nnḓa
Arali vha na ndalukanyo dza shangoni ḽa nnḓa nahone vha tshi tama u dzhena kha tshiimiswa tsha pfunzo tsha Afurika Tshipembe kana u shuma Afurika Tshipembe, vha nga tea u ita khumbelo kha Ndangulo ya Ndalukanyo ya Afurika Tshipembe (SAQA) uri ndalukanyo dzavho dzi sedzuluswe.
Musi vha tshi ita khumbelo ya khoutha kana thendelo ya u shuma Afurika Tshipembe, phoḽisi ya vhupfuluwi i ḓo vha ṱoḓa uri vha ṋetshedze ṱhanziela ya SAQA ya tsedzuluso sa tshipiḓa tsha khumbelo yavho.
Arali vha tshi tama u dzhena kha tshiimiswa tsha pfunzo tsha Afurika Tshipembe, vha ḓo tea u ṱoḓa SAQA uri I ite tsedzuluso ya ndalukanyo dzavho arali tshiimiswa tshe vha ita khumbelo khatsho tshi tshi ṱoḓa uri vha ite ngauralo. Zwiimiswa zwa phurofeshinaḽa na zwone zwinga ṱoḓa uri vha wane tsedzuluso ya SAQA ya ndalukanyo dzavho dza shangoni ḽa nnḓa nga murahu ha musi vha sa athu u tendelwa u shuma.
Nga nnḓa ha uri tshumelo ya tsedzuluso asi khombe khome nahone i shuma u tsivhudza kha nyimele dzine ndalukanyo dza shangoni ḽa nnḓa dza tea u dzhielwanzhele.
Tshumelo iyi i ṋetshedzwa nga Vhulangi ha Tsedzuluso ya Ndalukanyo dza Shangoni ḽa Nnda na Tshumelo dza Vhueletshedzi (DFQEAS) kha SAQA.
Nḓivhadzo: U ita khumbelo ya tsedzuluso ya pfunzo dza shangoni ḽa nnḓa, a vha vhale milayo ya tsumbamaitele dzine dza vha hone kha Fomo ya Khumbelo.
Zwine vha tea u ita
- A vha wane fomo ya khumbelo ofisini dza SAQA kana kha webusaithi ya SAQA.
- A vha ḓadze khethekanyo dzoṱhe dza fomo ya khumbelo.
- A vha khwaṱhisedze uri vhuṱanzi ha mbandelo dzo teaho dzi hone kha khumbelo yavho.
- A vha ṋetshedze khophi dzo themendeliwaho dza vhukuma hanohe dzi vhonalaho dza dokhumenthe dzoṱhe dzi no ṱoḓea.
Ṱhanziela dzine dza vha kha nyambo dza shangoni ḽa nnḓa dzi tea u Fhelekedziwa nga muano wa fhindulelwa kha Luisimane.
Nḓivhadzo: SAQA i ṱoḓa dokhumenthe dzoṱhe dza luambo lwe lwa fhindulelwa lu tshibva khalo na lwa muano wo fhindulelwa khalo.
Tshifhingambekanywa
- Khumbelo yo ḓoweleaho: maḓuvha a 30 a u shuma.
- Khumbelo ya shishi: maḓuvha a 20 a u shuma.
- Khumbelo ya ndeme: maḓuvha a 10 a u shuma.
- Khumbelo yo khetheaho: Awara dza 48.
Fomo dzi no tea u ḓadzwa
Evaluation of foreign qualifications (Tsedzuluso ya ndaulakanyo dza nnḓa)
National office | |
Tel | 012 431 5070 |
Fax | 012 431 5147 |
verifications@saqa.co.za | |
City/town | Pretoria |
Province | Gauteng |
Physical address | South African Qualifications Authority, Quality Assurance and Development, Hatfield Forum West, 1067 Arcardia Street, Hatfield, Pretoria |
Postal address | Postnet Suite 248, Private Bag X06, Waterkloof, 014 |
Website | https://www.saqa.org.za/ |