Khumbelo kha ETQA ya u ṱanganedzwa sa muṋetshedzi wa pfunzo na vhugudisi

Ṱhalutshedzo

Milayo ine ya shuma kha Vhukhwaṱhisi ha Mvelaphanḓa ya Pfunzo na Vhugudisi (ETDQAs) nga fhasi ha Ndaulo ya Ndalukanyo ya Afrika Tshipembe (SAQA) u ṱoḓa uri vha vhaisedzi vha pfunzo na vhugudisi vha ita khumbelo ya uri vha ṱanganiswe. Uri vha ṱanganedzwe, vhaisedzi vha pfunzo na vhugudisi vha lavhelelwa uri vha ḓiṅwaliswe uya nga ha mulayo u shimisiwaho.Mulayo malugana na Pfunzo dza Nṱha na Mveledzisophanḓa ya Pfunzo u ṱoḓa vhaisedzi vhoṱhe vha pfunzo na vhugudisi vhane vha ṋetshedza  ndalukanyo nga vhuḓalo vha tshi ḓiṅwalisa na Muhasho wa Pfunzo.

Vhaisedzi vha pfunzo na vhugudisi vha tea u ṋetshedza  yuniti dza zwitandadi kana ndalukanyo dzine dza wela nga fhasi ha kha vhuimo ha masia a fhasi Tshiimiswa tsha Vhukhwaṱhisi ha Khwaḽithi ya Pfunzo na Vhugudisi (ETQA) ya Ndaulo ya Sekhithara ya Pfunzo na Vhugudisi (SETA)  kana Zwiimiswa zwa Phurofeshinala.

Ṱhoḓea dza u ṱanganedzwa:

• Ṱhoḓea dza u ṱanganedzwa dzi hone kha dokhumenthe ine ya vhidzwa upfi Maitele na Tsumbamaashumele a Vhaisedzi (Criteria and Guidelines for Providers) nahone i a wanala kha websaithi ya SAQA. 
• Mbekanyamushumo (dzi ndingo) dzine dza ṋtshedzwa nga vhaisedzi vha pfunzo na vhugudisi zwifhelela kha zwitandadi kana ndalukanyo dzo ṅwalisiwaho kha Mbekanyamushumo ya Ndalukanyo ya Lushaka ( NQF).
• Kharikhuḽamu (maitele, zwirengomu na zwishumiswa zwa u guda) yo baḓekanywa na yuniti dza zwiṱandadi kana dzi ndalukanyo 
• Hu na vhashumi vha re na tshenzhemo dzo teaho ( vhapfumbudzi na  vha saukanyi vha u ḓiṅwalisa) 
• Vhagudisa vha a kona u swikelela tshumelo ya thikhedzo ya ngudo ya vhuḓi.
• Maitele a ndingo na zwishumiswa zwine zwa shumiswa u kala ṱhoḓea dza zwiṱandadi kana ndalukanyo dzi a pfesesea, u shumisea na u thembea  nahone dzi shumiswa u tikedza ngudo.

Maga a tevhelwaho

• Avha rumele luṅwalo lwa zwine vha ṱoḓa u ṱanga nedzwa khazwo sa muisedzi wa pfunzo na vhugudisi kha ETQA yo teaho.
• Avha ṋetshedze fomo ya vhuḓiṱhathuvhi na fomo ya khumbelo kha ETQA. 
• Arali vha singo ṋetshedzwa themendelo nahone vha pfa uri maitela o shumiswaho ha fushi, vha na pfanelo ya u ita mbilahelo.  
• Mutevhe wa dzi ETQAs na zwidodombedzwa zwa vhukwamani zwi hone kha websaithi ya SAQA.

Maitele na tshifhinga tsha u itwa ha tshumelo

Zwinga dzhia miṅwedzi i swikaho ya rathi.

Mbadelo

Tshumelo iyi ndi mahala.

Fomo dzi teaho u

Fomo dza khumbelo dza vhaisedzi lwa tshiofisi na dokhumenthe dzi yelanaho nga wanala kha ETQA yo teaho.

Zwidodombedzwa zwa vhukwamanyi