Kwamakhwalifikheshini Atholakale Kumazwe Angaphandle

Ulwazi ngokuhlolwa kweziqu ezithokale emazweni angaphandle

Uma iziqu ozithole emazweni angaphandle kanti ufisa ukuya esikhungweni semfundo saseNingizimu Afrikha, kungadingeka ukuba ufake isicelo kwi-South African Qualifications Authority (SAQA) ukuze iziqu zakho zihlolwe.

Uma ufaka isicelo se-quota noma imvume yokusebenza eNingizimu Afrikha, umthetho wokungena ezweni udinga ukuba ulethe isitifiketi sokuhlola se-SAQA sokuhlola njengengxenye yesicelo sakho.

Uma ufuna ukuza esikhungweni semfundo esiseNingizimu Afrikha, uyodinga ukuba i-SAQA ihlole iziqu zakho uma isikhungo ofake kuso isicelo sifuna ukuba wenze njalo. Izinhlangano ezibhekelele umsebenzi owenzayo angadinga ukuba athole umbiko wokuhlolwa kweziqu zakho zangaphandle yi-SAQA ngaphambi kokuba uvunyelwe ukuba usebenze umsebenzi owufundele.

Okunye ngaphandle kokuhlolwa komsebenzi akuphoqelekile kanti kwenzelwe ukweluleka ngezinga leziqu ezitholakale kwamanye amazwe okumele zibekwe kulo.

Lo msebenzi wenziwa abe-Directorate of Foreign Qualifications Evaluation and Advisory Services (DFQEAS) yakwa-SAQA.

Qaphela: Ukufaka isicelo sokuhlolwa kweziqu zakwamanye amazwe, funda imigomo yenqubo kanye isimo semali ekhokhwayo esisefomini lokufaka isicelo.

Okufanele ukwenze

• Thola ifomu lokufaka isicelo emahhovisi akwaSAQA noma uyikhiphe kwikhompyutha.
• Gcwalisa zonke izingxenye zefomu lokufaka isicelo.
• Qinisekisa ukuthi ubufakazi bokukhokha okudingekile ukuthi buhambisane nesicelo.
• Hlinzeka amakhophi ayiwo nabonakalayo azo zonke izincwadi ezidingekayo.
• Izitifiketi ezibhalwe ngezilimi zangaphandle kumele zihambisane nokuhumusha okufungelwe ngesiNgisi.

Qaphela: I-SAQA idinga zozimbili izincwadi ngolimi lokuqala nokuhumusha okufungelwe.

Isikhathi esinqunyiwe

• Ukufaka isicelo okwejwayelekile: izinsuku zokusebenza ezingama-30.
• Ukufaka isicelo esiphuthumayo: izinsuku zokusebenza ezingama-20.
• Ukufaka isicelo okumele senziwe kuqala: izinsuku zokusebenza eziyi-10.
• Ukufaka isicelo esiyisipesheli: amahora angama-48.

Kubiza malini Saqa website.

Amafomu okumele agcwaliswe

Evaluation of foreign qualifications (Ukuhlolwa kweziqu zakwamanye amazwe)

Imininingwane yokuxhumana