Arali muthu ane a vha uri u tsini navho a ngalangala, vha tea u zwi vhiga mapholisani nga u ṱavhanya musi zwi tshi tou thoma u ḓivhea. A vha ngo tea u lindela awara dza 24 dzi tshi fhela.
Vha nga kwama Bureau ya Vhathu vho Ngalangalaho u vhiga muthu uyo kana vha ya kha tshiṱitshi tsha mapholisa tsha tsini na ha havho u vhiga uri muthu uyo o ngalangala zwenezwo vha tshi kha ḓi bva u zwi ḓivha uri o ngalangala.
Vha ṱuwe na tshinepe tsha muthu uyo o ngalangalaho tsha zwenezwo uri tshi vheiwe kha dathabeizi ya Vhathu vho Ngalangalaho ya Bureau ya Lushaka. Dathabeizi iyi ndi thandela ya Crime Stop i shumiswaho nga mapholisa u mona na shango. Kha vha ṋetshedze vhuṱanzi vhuṅwe na vhuṅwe vhune ha nga thusa kha u ṱalusa muthu uyo, sa miṅwaha yawe, tshiimo, muvhala wa mavhudzi, muvhala wa maṱo, na zwiṅwe zwiga zwine a nga ṱaluswa ngazwo sa mavhadzi na dzithathu. Vha ḓo humbelwa uri vha ḓadze fomo vha tshi khou ṋea vhuṱanzi hoṱhe.
Muṱoḓisisi u ḓo shumana na kheisi iyo. Vha tea u vhona uri vho dzhia dzina na zwidodombedzwa zwa vhukwamani zwa muṱoḓisisi, na uri vha dzule vha tshi mu kwama. Vha tea u ṋekedza muṱoḓisisi vhuṱanzi vhuṅwe na vhuṅwe vhuswa vhune vha vhu wana nga murahu ha musi vho no vhiga mulandu ngaha muthu o ngalangalaho.
Vha ḓivhadze mapholisa arali muthu o ngalangalaho o wanala.
Kha vha wane zwinzhi ngaha u vhiga muthu o ngalangalaho.
