Ngaha
Zwine vha tea u ita
Tshifhingambekanywa
Zwi ita vhugai
Fomo dzi no tea u ḓadzwa
Vha kwama inyi
Ngaha na u ṅwalisa senthara ya AI
Uri vha tendelwe u sedzulusa, u paka, u ḽeibeḽa, u vhulunga kana u rengisa zwithu zwa dzhenethiki, vha fanela u ṅwalisa fhethu sa senthara ya AI.
Fhethu havho hu fanela u vha na tshomedzo dzi tevhelaho:
- zwifhaṱotserekano zwa ofisi na ḽaborothari
- fhethu ha u dzhena ha nnyi na nnyi
- bada ya nnyi na nnyi na luhura zwo teaho
- zwitumba, zwitale, ṅwavho na madanga
- tshibaragoni
- thannga
Tshomedzo yo bulwaho afho nṱha i fanela u vha hone kha pulane ya fhethu havho.
Vha ganela u vha na pulane ya fhasi ine ya sumbedza mielo na ṱhalutshedzo ya:
- lufhera luṅwe na luṅwe lune lwa ḓo shumiswa sa ofisi na ḽaborothari. Hezwi zwi katela:
- phera dza u sedzulusa, u shumela, u paka, u ḽeibeḽa na u vhulungela zwithu zwa dzhenethiki
- phera dzine dza shumiswa u vhea zwishumiswa zwa u kunakisa na u kunisa
- phera dza u ambarela na mabunga
- phera dza zwitumba, madanga, u vhea zwiṱoko na u vhea phukha
- madanga na mazhazha.
Phukha dzine dza dzula dzharaṱani yavho a dzi faneli u kwamana na dziṅwe phukha dza nnḓa. Vha fanela u dzharaṱela fhethu havho.
Phukha dzi re tshibaragoni a dzi faneli u kwamana nga tshadzo kana na dziṅwe phukha dzi re dzharaṱani yavho. Vha fanela u vha na zwitumba na madanga a thungo ane a shumiswa kha u kuvhanganya, u fhea, u lingulula na u ita ndingo dza zwithu zwa dzhenethiki nga ngomu ha zwibarago. Vha khwaṱhisedze uri malaṱwa a eleli a bva kha tshiṅwe tshibarago kana danga a dzhena kha ḽiṅwe.
Vhathu vhane vha khou shuma kha zwibarago zwa nguluvhe a vha faneli u vha na vhukwamani na vhashumi vha sentharani.
Hu fanela u vha na tshikhala tsho linganaho nga ngomu dzharaṱani uri phukha dzi kone u onyolowa.
Vha fanela u vha na phera dza thungo dza zwi tevhelaho dzharaṱani yavho:
- mishumo ya vhutshimbidzi
- mitshini ine ya shumiswa kha u sedzulusa, u shumela, u paka, u ḽeibeḽa na u vhulungela zwithu zwa dzhenethiki
- u kulumaga, u bviswa zwitzhili, u kuniswa na u lugiselwa ha zwishumiswa zwo shumiswaho kha u bvisa zwithu zwa dzhenethiki.
Vhathu vhane vha bvisa zwithu zwa dzhenethiki a vha faneli u tendelwa u dzhena kha phera dzo bulwaho afho nṱha. Vha fanela dzudza phera dzine dza shumiswa kha u bvisa, u sedzulusa, u paka, u ḽeibeḽa na u vhea zwithu zwa dzhenethiki dzo kuna tshifhinga tshoṱhe.
Fhasi, mbondo na siḽini dza phera dzine ha vhewa khadzo na u shumelwa zwithu zwa dzhenethiki zwi fanela u dzula zwo kuna na u tsireledzea kha phukha.
Zwine vha tea u ita
- Vha bvise na u ḓadza fomo: Khumbelo ya u ṅwalisa fhethu sa senthara afha nga fhasi.
- Mbili dza pulane dza fhethu havho, pulane ya fhasi na vhuṱanzi ha mbadelo.
- Vha badele mbadelo yo randelwaho kha: Muṅwaleli Muhulwane wa Muhasho wa Vhulimi, Maḓaka na Vhufuwakhovhe
Standard Bank
Nomboro ya akhaunthu: 011219556
Davhi: Arcadia
Nomboro ya davhi: 000845/010845
Ref: Dzina ḽavho na tshifani. - Vha nga rumela fomo ya khumbelo nga Imeiḽi, poswo kana nga tshanḓa, vha nambatedza maṅwalo na vhuṱanzi ha mbadelo.
- Arali vha tshi khou rumela khumbelo yavho nga imeiḽi, vha fanela u sikena fomo ya khumbelo, maṅwalo o nambatedzwaho na vhuṱanzi ha mbadelo vha imeiḽa kha: lesibanama@daff.gov.za.
- Arali vha tshi khoi tou posa khumbelo yavho, vha fanela u posa kha: Private Bag X343, Pretoria, 0001.
- Arali vha tshi khou isa nga tshanḓa, vha ise kha Agriculture Place, 20 Beatrix Street, Arcadia Pretoria.
Tshifhingambekanywa
A huna tshifhinga tsho vhewaho tsha hei tshumelo
Zwi ita vhugai
R 6 030
Fomo dzi no tea u ḓadzwa
Application for registration of premises as a centre (Khumbelo ya u ṅwalisa fhethu sa senthara)
Vha kwama inyi
Registrar: Animal Improvement
Tel: 012 319 7424/34
Fax: 012 319 7570/7425
Physical address: Delpen Building, Cnr Annie Botha Avenue and Union Street, Riviera, Pretoria
Postal address: The Registrar of Animal Improvement, Private Bag X138, Pretoria, 0001