Okuphathelene
Okufanele ukwenze
Isikhathi esibekiweko
Kubiza malini
Amaforomo ekufanele uwazalise
Ungathintana nobani
Okuphathelene nokurejistara imakhiwo neendawo njengesentha ye- AI
Kuhlola, ukupaka, ukuleyibula, ukubibha nanyana ukuthengisa amamethiriyali weenthako zefuzo, kufanele uthome ntanzi ngokobana urejistare imakhiwo neendawo zakho njengesentha ye-AI.
Iindawo zakho kufanele zibe nalokhu okulandelako:
- amakhompleksi we-ofisi kanye nelabhorethri
- ubungeno bomphakathi
- Iindlela zomphakathi neemfensi eziqinileko
- Iintala, iimpeni, amakhratjhi kanye neembaya
- indawo yekwarantina
- itanka
Iinkghonakalisi nanyana iinsetjenziswa ezilandelako kufanele zifakwe hlangana emtlamenakho wendawo.
Kufanele ube nomtlamo wetatawu otjengisa iimedo kanye nehlathululo yalokhu:
- elinye nelinye ikamero lizakusetjenziswa njenge-ofisi kanye nelabhorethri. Lokhu kufakla hlangana:
- ukuhlola, ikambiso, ukupaka, ukuleyibula kanye namakamero aziimbijo mayelana namamethiriyali weenthako zefuzo
- amakamero asetjenziselwa ukuhlwengisa kanye nokubulala imilwana eensetjenzisweni
- amakamero wokuphumela kanye neendlwana zangasese
- iintali, iimpeni, ukubuthelela isitoko kanye namakamero wokukhratjha
- iimbaya neendawo zokubeka iinlwana neentjalo
Iinlwana ezibekwa endawenakho akukafaneli zihlangane nezinye iinlwana ngaphandle kwendawo leyo. Kufanele ufake ifensi magega nendawakho.
Iinlwana ezibekwa endaweni ekhethekileko ikwarantina akukafaneli zihlangane zona ngokwazo nanyana zihlangane nezinye iinlwana endawenapho. Kufanele ube neentali ezihlukeneko kanye neempeni ezisetjenziselwa ukubuthelela, ukubeka, ukuhlahluba kanye nokuqala amamethiriyali weenthako zefuzo endaweni yekwarantina. Yenza isiqiniseko sokobana isoritjhi ayisuki esitalini sinye sekwarantina nanyana sepeni iye kwesinye.
Abantu abasebenza ngeemfarigi endaweni yekwarantina akukafaneli bona bahlangane nezinye iinsebenzi kusentha.
Kufanele kube nendawo eyaneleko emakhiweni wendawo leyo ukobana iinlwana zikwazi ukuthabulula umzimba.
Kufanele ube namakamero amabili ahlukeneko mayelana nalokhu okulandelako emakhiweni weendawo zakho:
- imisebenzi yokuphatha
- imitjhini esetjenziselwa ukuhlola, ikambiso, ukupaka, ukuleyibula kanye nokubeka amamethiriyali weenthako zefuzo
- ukuhlwengisa, ukubulala imilwana kanye namalungiselelo wesisetjenziswa esisetjenziselwa ukubuthelela amamethiriyali weenthako zefuzo.
Abantu ababuthelela amamethiriyali weenthako zefuzo akukafabneli bona bangene emakamerweni abalwe ngehla la. Kufanele amakamero la asetjenziselwa ukubuthelela, ukuhlola, ukupaka, ukuleyibula kanye nokubeka amamethiriyali weenthako zefuzo ahlale ahlanzekile ngaso soke isikhathi.
Iimfluru, imithangala kanye namasilinghi wamakamero walapha kutjhejwa khona amamethiriyali weenthako zefuzo kufanele zihlanzeke ngaso soke isikhathi begodu zenziwe ziphephe mayelana neenlwana.
Okufanele ukwenze
- Khupha iforomo bese uyalizalisa: Isibawo mayelana nokurejistarwa kweendawo njengesentha ngenzasi.
- Faka amakhophi amabili womtlamo wendawo yomakhiwo weendawo zakho, umtlamo wetatawu kanye nobufakazi bokubhadala.
- Bhadala imali equntiweko ku:
The Director-General of the Department of Agriculture, Forestry and Fisheries
Standard Bank
Account number: 011219556
Branch: Arcadia
Branch number: 000845/010845.
Ireferensi: Ibizo lakho nesibongo - Unga-imeyila nanyana uzisele wena ngokwakho iforomo lesibawo, ufake imitlolo kanye nobufakazi bokubhadala.
- Nangabe u-imeyila isibawo sakho, kufanele uskene iforomo lesibawo, imitlolo ekhambisana naso kanye nobufakazi bokubhadala bese uli-imeyilela ku: lesibanama@daff.gov.za.
- Nangabe uposa isibawo sakho, kufanele usiposele ku: Private Bag X138, Pretoria, 0001
- Nawusisa ngesandla, sise endaweni yezelimo i- Delpen Building, Cnr Annie Botha Avenue and Union Street, Riviera, Pretoria
Amaforomo ekufanele uwazalise
Application for registration of premises as a centre (Isibawo mayelana nokurejistarwa kweendawo njengesentha)
Ongathintana naboni
Registrar: Animal Improvement
Tel: 012 319 7424/34
Fax: 012 319 7570/7425
Physical address: Delpen Building, Cnr Annie Botha Avenue and Union Street, Riviera, Pretoria
Postal address: The Registrar of Animal Improvement, Private Bag X138, Pretoria, 0001