U ṅwalisa Mushonga wa u ilafha Zwifuwo

Ngaha

Zwine vha tea u ita

Tshifhingambekanywa

Zwi ita vhugai

Fomo dzi no tea u ḓadzwa

Vha kwama inyi

Ngaha malugana na u ṅwalisa mushonga wa u ilafha zwifuwo

Uri vha tendelwe u ṱunḓa, u maga, u bveledza, kana u rengisa mushonga wa u ilafha zwifuwo Afrika Tshipembe, vha fanela u ḓiṅwalisa na Muṅwalisi wa Mulayo wa vhu 36 wa 1947.

Mishonga ya u ilafha zwifuwo i shumiswa kha zwifuwo, phukha dza hayani, khuhu, khovhe, kana phukha dza ḓaka u:

• Thivhela, u ṱhaṱhuvha na u fhodza malwadze/nyimele dzi si dza mutakalo.
• U londola, u alusa, u bveledza na u khwinisa mitakalo yadzo.

Khamphani ya seli a i tendelwi u ita khumbelo ya u ḓiṅwalisa Afrika tshipembe. Vha tendelwa u ita khumbelo arali vho ṅwaliswa Afrika Tshipembe kana vha vha dzangano ḽa zwa mulayo ḽo ṅwaliswaho Afrika Tshipembe.

Vha fanela u vha na ṱhoḓea dzi tevhelaho:

• Data ya tshisaintsi ine ya sumbedza u Mushonga wa u Ilafha zwifuwo une vha khou ṱoḓa u u ṅwalisa wo lingedzwa na u lingiwa uri u a shuma. Arali vha tshi ṱoḓa u ṅwalisa muṅwe Mushonga wa u Ilafha zwifuwo, vha fanela u ḓisa data ya tshisaintsi ya muṅwe na muṅwe wayo.  Data ya tshisaintsi i fanela u ṱalutshedza u tsireledzea, ndeme, na kushumele kwa mushonga wonoyo na zwine zwa nga itea musi wo rengwa kha Phukha dzine dza bveledza zwiḽiwa (tsumbo Gumofulu ḽa Nṱhesa ḽa Kulaṱele kwa wo salaho (Maximum Residue Limits (MRL)). Data i fanela u sainiwa nga ḽaborothari yo tendelwaho.
• Vhurifhi ha nga nṱha vhu re na ṱhoho ya vhurifhi ya khamphani ine ya ṱalutshedza mushonga une vha khou ṱoḓa u u ṅwalisa. 
• ḽebuḽu dzine dza khou tama u shumiswa (arali dzi hone).

Arali vha tshi ṱoḓa u ṅwalisa Mushonga wa u Ilafha zwifuwo wo no vhaho hone/ wo no ṅwaliswaho nga dzina ḽa iṅwe khamphani kana muthu, vha fanela u wana thendelo yo tou ṅwalwaho ya muṋe o no ḓiṅwalisaho musi vha sa athu u ṅwalisa. 

Zwine vha tea u ita

1. Vha ṅwalele vhurifhi Muṅwalisi wa Mulayo wa vhu 36 wa 1947. Vhurifhi vhu fanela:
   • U vha vhu songo ṅwalwa nga tshanḓa, vhu vhe ho thaiphiwa vhu na ṱhoho ya vhurifhi ya khamphani.  
   • Vha ho ṅwalwa datumu ye vha isa ngayo kha Mushumi wa Vhuṅwalisi ya vhukuma kana ya tsini nayo. 
   • U sainiwa nga muthu o rumelwaho nga khamphani ane a fanela u kwamiwa.
   • Zwidodombedzwa zwa vhukwamani zwa muthu o rumelwaho zwi fanela u vha na zwone zwi kha vhurifhiU ṱalutshedza zwiitisi zwa u ḓisa tsumbo, u Ṅwalisa Tshibveledzwa Tshiswa nz. 
   • Vha ṱalutshedze mushonga nga u pfufhifhadza (tshivhalo)
2. Vha ite khophi nthihi ya vhurifhi ha nga nṱha vha rumele marifhi nga mavhili (ya u thoma nthihi na khophi nthihi)
3. Vha tsitse fomo ya khumbelo i re afho fhasi vha i ḓadze. Vha ite khophi mbili dza fomo
4. Vha badele mbadelo yo randelwaho nga tsheke, phosiṱaḽa oda, oda ya tshelede vha rumele kha Mulangi Muhulwane: Muhasho wa Vhulimi, Maḓaka, na Vhufuwakhovhe.  Arali vha tshi ḓo ḓisa khumbelo yavho nga tshanḓa na mbadelo ya khumbelo, vha fanela u khwaṱhisedza uri vho wana rasithi.  Arali vha tshi khou badela mbadelo yavho nga Mbadelo ya Iḽekiṱhironiki (Electronic Transfer Account) vha fanela u i badela kha akhaunthu i tevhelaho: Zwidodombedzwa zwa Bannga zwa Muhasho khathihi na referentsi u ya nga ṱhoḓea dza u rumela ndi zwi tevhelaho:
   Dzina ḽa muṋe wa akhaunthu:NDA-ACT36 of 1947
   Nomboro ya akhaunthu: 011203102
   Referentsi ya NB: 15ST1
   Khoudu ya davhi: 010845
   Dzina ḽa davhi: Arcadia
   Dzina ḽa bannga: Standard Bank
5. Vha rumela fomo ya khumbelo i nga tharu (nthihi ya u thoma na khophi mbili). Vha nambatedze marifhi a nga nṱha na vhuṱanzi ha mbadelo. Vha nga rumela fomo ya khumbelo vha nambatedza na maṅwalo vha posa kha: Muṅwalisi wa Mulayo wa vhu 36 wa 1947, Private Bag X343, Pretoria, 0001 kana nga tshanḓa kha: Mulayo wa Vhuṅwalisi wa vhu 36 wa 1947, Agriculture Place, 20 Steve Biko Street, Pretoria.

Tshifhingambekanywa

Ofisi ya Muṅwalisi i rulela marifhi a u vusulusa na fomo dza khumbelo kha vhoṱhe vho ṅwaliswaho ṅwaha muṅwe na muṅwe.

Zwi ita vhugai

Mbadelo dza 2024/25

Fomo dzi no tea u ḓadzwa

Registration of a Stock Remedy

Vha kwama inyi