Ngwadiša Sehlare sa Diruiwa

Ka ga

Seo o swanetšego go se dira

Lebaka

E dira tshenyagelo ya bokae

Diforomo tšeo di swanetšwego go tlatšwa

Dintlha tša boikopanyo

Ka ga go ngwadiša sehlare sa diphoofolo

Go  reka ntle, go dira, go tšweletša, goba go rekiša sehlare sa  diruiwa ka mo Afrika Borwa, o swanetše go ngwadiša le Molao wa Mmušakarolo wa 36 wa 1947.

Dihlare tša Diruiwa di šomišwa diphoofolong tša gae, diruiwa, dikgogo, hlapi, goba diphoofolo tša naga:

• Thibela,  lwantšha gomme o fodiše malwetši/maemo ao a se nago maphelo.
• Tiiša, gola, tšweletša gomme o kaonafatše maphelo a bona

Khamphani yeo e lego moše wa mawatle e ka se dire kgopelo ya ngwadišo ka Afrika Borwa. O ka ngwadiša fela ge khampahani  ya gago e ngwadišitše Afrika Borwa goba o le motho wa molao woo a ngwadišitšwego ka Afrika Borwa.

O swanetše goba le dinyakwa tše di latelago:

• Data ya saense yeo e laetšago Sehlare sa Diruiwa seo o ratago go se ngwadiša se lekilwe gomme se dirilwe diteko gomme se a šoma. Ge o nyaka go ngwadiša Dihlare tša Diruiwa tša go fapana , o swanetše go iša data ya saense ya sehlare se sengwe le se sengwe. Data ya saense e swanetše go hlaloša tšhireletšo, boleng, kgontšho ya sehlare le khuetšio ye nngwe le nngwe yeo e kgonagalago mo thekišong yeo e tšwago tšhomišong ya Sehlare seo sa Diruiwa mo go diphoofolo tšeo di tšweletšago dijo (mohlala Magomo a Mašaladi a Maksimamo). Data e tla saenwa ke laporotori yeo e dumeletšwego.  
• Lengwalo leo le sepelago le kgopelo le hlogo ya khamphani ya gago yeo e hlalošago sehlare seo o nyakago go se ngwadiša.
• Maswao ao akantšwego (ge a le gona).

Ge o nyaka go ngwadiša Sehlare sa diruiwa seo se šetšego se le gona/goba seo se šetšego se ngwadišitšwe ka leina la khamphani ye nngwe goba  motho o mongwe, o swanetše goba le tumelelo ya go ngwalwa go tšwa go mong wa ngwadišo pele ga ge o ngwadiša.

Seo o swanetšego go se dira

1. Ngwala lengwalo leo le sepelago le kgopelo go Molao wa Mmušakarolo  wa 36 wa 1947. Lengwalo le swanetše go:
   • Le se ngwale ka letsogo, le swanetšwe go tlanywa gomme le be le hlogo ya khamphani ya geno. 
   • Le be le tšatšikgwedi ya nnete goba kgauswi le tšatšikgwedi ya nnete  yeo le tlišitšwego ka yona go Taolo ya Ngwadišo.Le saenwe ke motho wa kgokagano yoo a kgethilwego wa khampani.
   • Dintlha tša kgokgano tša mothpo wa kgokagano yoo a kgethilwego di swanetše goba ka lengwalong le tšona. 
   • Hlaloša mabaka a go iša, mohlala, Ngwadišo ya Setšweletšwa se Seswa, bjalobjalo.
   • Ka boripana hlaloša sehlare (nomoro ya bolumo)
2. Dira kopi ya e tee ya lengwalo leo le sepelago le kgopelo gomme o iše lengwalo ka tše pedi (la mathomong le tee le kopi e tee)
3. Taonelouta fomo ya kgopelo ya ka fase gomme o e tlatše. Dira dikopi tše pedi tša fomo.
4. Lefa tšhelete yeo e beilwego ka tšheke, postara, otara ya tšhelete  go Molaodipharephare: Kgoro ya Temo, Dithokgwa  le Boreahlapi. Ge o iša kgopelo ya gago ka letsogo le tšhelete ya kgopelo, o swanetše go netefatša gore o hwetša raseti ya tefelo. Ge o lefa tefelo ya gago ka Akhaonte ya Phetišetšo ya Elektroniki, o swanetše go e lefela  go akhaonte ye e latelago: Dintlha ka botlalo tša Kgoro go akaretša le Boitsebišo go ya ka dinyakwa tša go tliša di ka tsela ye:
   Leina la akhaonte: NDA-Molao wa 36 wa 1947
   Nomoro ya akhaonte: 011203102
   Boitsebišo bja NB: 15ST1
   Khouto ya lekala: 010845
   Leina la lekala: Arcadia
   Leina la panka: Panka ya Standard 
5. Iša fomo ya kgopelo ka tše tharo ( ya mathomong e tee le dikopi tše pedi). Kgomaretša mangwalo a go sepela le kgopelo  le bohlatse bja tefelo. O ka romela fomo ya kgopelo gomme wa kgomaretša ditokumente  ka poso go: Molao wa Mmušakarolo wa 36 wa 1947, es), Private Bag X343, Pretoria 0001 goba iša ka letsogo go: Molao wa Mmušakarolo wa 36 wa 1947, Lefelo la Temo, Mokgotha wa 20 Steve Biko, Pretoria.

Lebaka

Ofisi ya Mmušakarolo ngwaga ka ngwaga o romela mangwalo mo difomong tša mpshafatšo  le kgopelo go baswari ba ngwadišo ka moka.

E dira tshenyagelo ya bokae

Ditefišo tša 2024/25

Diforomo tšeo di swanetšwego go tlatšwa

Registration of a Stock Remedy

Dintlha tša boikopanyo