Kopo ya ho fetisa letshwao la ho hlwaya phoofolo

Dintlha ka mabapi le ho fetisetsa letshwao la phoofolo mothong e mong

Letshwao la boitsebiso la phoofolo le ka fetiswa ho tloha ho morui e mong ho ya ho e mong. Ho etsa jwalo, morui e motjha o tlameha ho etsa kopo ya ho fetisetsa letshwao la boitsebiso la phoofolo ho yena Lefapheng la Temothuo, Meru le Ditlhapi.

Moo ho hlokahetseng morui wa molao, letshwao la boitsebiso le ka fetisetswa ho wena ebang moabi wa lefa a fana ka tumello ya hore letshwao le fetiswe kapa moo ho se nang moabi wa lefa morui e motjha a ka fana ka khopi ya setefekeiti sa lefu hammoho le “Lengolo la Taolo” leo Lekgotla le Phahameng la Dinyewe le faneng ka lona le bolelang hore o morui wa molao wa diphoofolo.

O lokela ho etsang

1. Fumana foromo ya kopo inthaneteng kapa ho diofisiri tsa katoloso, dikantorong tsa maseterata, diyuniting tsa Ho utsuwa ha Mehlape tsa Ditshebeletso tsa Sepolesa tsa Aforika Borwa kapa ho Mongodisi: Boitsebiso ba Diphoofolo bo Pretoria.
2. Karolo ya 2 ya foromo e tlameha ho tlatswa ke wena kapa  (moo ho bileng le ya hlokahetseng) ke moabi wa lefa kapa khopi ya setefekeiti sa ho hlokahala le “lengolo la Taolo” di lokela ho tlatsetswa ebang ho se na moabi wa lefa.
3. Lefa tjhelete e kaalo ka R120 Lefapheng la Temothuo, Meru le Ditlhapi ho: Lekala la Standard Bank: Nomoro ya Lekala la Arcadia: 051001 Nomoro ya Akhaonte: 011252871.
4. Posetsa setlankana sa sethato sa ho kenya tjhelete le foromo ya kopo ho: Mongodisi wa Boitsebiso ba Phoofolo Poso ya Poraevete ya X 138 Pretoria 0001 kapa isa foromo ya kopo Moahong wa Delpen, hukung ya Mebila ya Annie Botha le Union, Riviera, Pretoria.

Nako ya tshebetso

Ho ka nka dibeke tse pedi hore ho etswe phethiso.

Ditjeo ke bokae

R 200

Diforomo tse tlatswang

Application for transfer of registration of an identification mark

Dintlha tsa ho iteanya