Isibawo sokudluliswa kwetshwayo lokufanisa isilwana

Okuphathelene nokwenza isibawo sokudlulisa itshwayo lokufanisa isilwana

Itshwayo lokufanisa isilwana lingadluliswa ukusuka kumnikazi wefuyo munye ukuya komunye. Ukwenza njalo, kufuze umnikazi omutjha abhadele ukudluliswa kwetshwayo lokho emNyangweni wezokuLima, amaHlathi neenHlambi.

Ebujameni lapho kuhlongakala  khona umnikazi wangokomthetho wetshwayo, itshwayo lokufanisa lingadluliselwa kuwe nayikuthi umabi wamafa unikela ngemvumo yokobana itshwayo lidluliselwe kuwe namkha ebujameni lapho angekho umabi wamafa umnikazi omutjha anganikela ngekhophi yesitifikethi sokuhlongakala kanye ‘neNcwadi yesiGunyaziso” ekhutjhwe yiKhotho ePhakamileko etjhoko bona wena umnikazi wangokomthetho weenlwana.

Okufanele ukwenze

1. Khupha namkha fumana iforomo lesibawo kubalimisi, ema-ofisini kamarhastrada, ephikweni eliLwisana nokwEtjiwa kweFuyo elisemaPholiseni weSewula Afrika namkha kuRejistra wamaTshwayo wokuFaniswa kweFuyo ePitori.
2. Ingcenye 2 yeforomo kufuze izaliswe nguwe namkha (ebujameni bokuhlongakala) ngumabi wamafa namkha ikhophi yesitifikethi kanye “neencwadi zesigunyaziso” kufanele zifakwe nayikuthi akekho umabi wamafa. 
3. Bhadela imali engange-R120 emNyangweni wezokuLima, amaHlathi neenHlambi egatjeni le-Standard Bank: Inomboro yegatja le-Arcadia: 051001, Inomboro ye-akhawunti: 011252871
4. Posela islibhu sedibhozidi kanye neforomo lesibawo ku: The Registrar of Animal Identification Private Bag X 138 Pretoria 0001 namkha yisa iforomo lakho lesibawo emakhiweni we-Delpen, ekhoneni laka-Annie Botha Avenue no-Union Street, Riviera, Pretoria.

Isikhathi esibekiweko

Kungathatha iimveke ezimbili bona kwenziwe ukudluliswa.

Kubiza malini

R 200

Amaforomo ekufanele uwazalise

Application for transfer of registration of an identification mark

Ungathintana nobani