Kgopelo ya go fetišetša leswao la tlhaolo ya diphoofolo

Ka ga go dira kgopelo ya tlhaolo ya diphoofolo

O ka fetišetša leswao la tlhaolo ya diphoofolo leo le ngwadišitšwego  ka leina la gago go mong wa diruiwa tše dingwe. Go dira seo, o swanetše go dira kgopelo ya go fetišetša leswao la tlhaolo ya diphoofolo go Kgoro ya Temo Boreahlapi le Dithokgwa. 

Leswao la tlhaolo le ka fetišetšwa go motho yo mongwe ka morago ga lehu la gago goba ge o efa tumelelo ya gore leswao le fetišwe.

Seo o swanetšego go se dira

1. Taonelouta goba o hwetše fomo ya dikgopelo go tšwa go bahlankedi ba katološo, diofisi tša maseterata, yuniti ya bohodu bja leruo ya Tirelo ya Maphodisa a Afrika Borwa goba go tšwa go Mmušakarolo: Tlhaolo ya Diphoofolo Pretoria.
2. Karolo ya 2 ya fomo e swanetše go tlatšwa ke wena goba ke moabalefa wa bohwa (ge o hlokofetše).  
3. Lefa tefelo ya R120 go Kgoro ya Temo, Dithokgwa le Boreahlapi go:
   Panka ya Standard
   Lekala: Arcadia
   Nomoro ya Lekala: 051001
   Nomoro ya Akhaonte: 011252871.
4. Posa selipi sa depositi sa mathomong le fomo ya dikgopelo go: Mmušakarolo wa Tlhaolo ya, Diphoofolo, Private Bag X 138, Pretoria, 0001 goba iša fomo ya dikgopelo go Moago wa Delpen, sekhutlong sa  Annie Botha Avenue le Mokgotha wa Union, Riviera, Pretoria.

Lebaka

E ka tšea beke tše pedi gore phetišetšo e diwe.

E dira tshenyagelo ya bokae

R 200

Diforomo tšeo di swanetšwego go tlatšwa

Application for transfer of registration of an identification mark

Dintlha tša boikopanyo