Kufanele utlolisele ibhizinisi yakho ukubhadela i-VAT nangabe inani elipheleleko lepahla namkha iinsetjenziswa lingaphezu kwesigidi si-R1 esikhathini esiziinyanga ezili-12 nanyana lilindeleke bona leqe inani lelo.
Ibhizinisi lingatlolisa ngokwalo nangabe ingeniso etholwe eenyangeni ezili-12 ezidlulileko ibe ngaphezu kwee-R50 000.
I-VAT iyintela engakanqophi yepahla ethengwako neensetjenziswa ngemnothweni.
Thumela iforomo lokutlolisa egatjeni le-SARS eliseduze nawe kungakadluli amalanga ama-21 ukusukela ngelanga ingeniso yakho iba ngaphezu kwesigidi si-R1.
I-VAT ibhadeliswa ngezinga elifanako elimaphesende ali-15 ekuthengisweni kwepahla neensetjenziswa bathengisi. Kunesigaba sepahla neensetjenziswa ezifanele ukubhadela i-VAT ezingeni eliphasi khulu nanyana ipahla leyo ingabhadeliswa.
Ungenza isibawo sokukhansela ukutloliselwa ukubhadela i-VAT yakho nangabe izinga leensetjenziswa zingaphasi kwesigidi si-R1, nanyana lokha woke amabhizinisi angasasebenzi kuhle.
Ukutlolisela kwakho i-VAT kuzakukhanselwa kwaphela lokha uKomitjhinara nakanelisekako kobana iinsetjenziswa zakho ezibhadelelwa intela zingaphasi kwesigidi si-R1 namkha awusarageli phambili nebhizinisi yakho.
Kufanele wazise bakwa-SARS kungakadluli amalanga ama-21 sewuvale ibhizinisi.
Ibhizinisi yakho izakuhlala ilindeleke ukubhadela isikolodo esisaleleko se-VAT salokha isatloliswe njengesebenza ukuthengisa.
Fumana ilwazi elinabileko ngokutlolisela ukubhadela i-VAT nanyana ukukhansela ukutlolisa kwakho nanyana uthintane nebakwa-SARS.