Ngaphansi kwezimo ezithile, uMnyango Wezemfundo Eyisisekelo noma umnyango wezemfundo wesifundazwe ungasikhipha kabusha isitifiketi esinemininingwane eguqukile.
Uma ufuna kuguqulwe imininingwane ebhalwe esitifiketini sakho sikamatikuletsheni, kumele ufake isicelo eMnyangweni Wezemfundo Eyisisekelo (i-DBE) noma emnyangweni wezemfundo wesifundazwe sakho ngokugcwalisa ifomu elifanelekile (Isicelo Sokuguqulwa/Sokulungiswa Kwemininingwane Yomnikazi: Amaphutha Enziwe Wuphiko Olukhipha Izitifiketi noma Isicelo sokukhishwa kabusha kwesitifiketi sikamatikuletsheni/NSC ngenxa yokuguquka kwemininingwane yomnikazi: Izinguquko ezivunyelwe ngumthetho). Kumele uvakashele ehhovisi eliseduze nawe mathupha ukuze isisebenzi sombuso sixoxisane nawe futhi sikufake imibuzo ngaphambi kokuthi kwenziwe izichibiyelo esitifiketini sakho.
Ngenkathi usalinde ukukhishwa kwesitifiketi sakho ungacela ukwenzelwa isitatimende semiphumela.
Thola imininingwane ethe xaxa mayelana nokukhishwa kabusha kwesitifiketi sikamatikuletsheni noma uxhumane noMnyango Wezemfundo Eyisisekelo.
- National office: 012 357 4511/13
E-mal: certification@dbe.gov.za - Eastern Cape: (043) 604 7709/73
- Free State: (051) 404 8000
- Gauteng: (011) 355 0588
- KwaZulu Natal: (031) 327 0538/0331
- Limpopo: (015) 290 7747/7830
- Mpumalanga: (013) 766 0033
- Northern Cape: (053) 839 6585
- North West: (018) 384 3100/51
- Western Cape: (021) 467 2483
