Khumbelo ya u nwalisa tsiṱitshi tsha ndingo dza goloi

Ngaha

Zwine vha tea u ita

Tshifhingambekanywa

Zwi ita vhugai

Fomo dzi no tea u ḓadzwa

Vha kwama inyi

Ngaha redzhisiṱara tshiṱitshi tsha u linga mimoḓoro (VTS)

VTS ndi senthara ya u linga uri mimoḓoro yo lugela u tshimbila badani dza Afrika Tshipembe. Arali moḓoro wa phasa ndingo, hu ḓo ṋetshedzwa ṱhanziela ya u lugela u tshimbila badani.

U redzhisiṱara tshiṱitshi tsha u linga mimoḓoro (VTS), vha tea u ṅwala afidaviti kana khwaṱhisedzo i sumbedzaho zwiitisi zwa u redzhisiṱara vha i rumela kha MEC.

Afidaviti kana khwaṱhisedzo yeneyo i tea u vha i na:

• Zwidodombedzwa zwa muthu muṅwe na muṅwe, kana zwa miraḓo kana vhalangi vha muthu wa mulayo muṅwe na muṅwe ane tshiṱitshi tshenetsho tsha u linga tsha ḓo redzhisiṱariwa nga dzina ḽawe musi khumbelo yeneyo yo tendeliwa;
• Fhethu hune tshiṱitshi tsha u linga tshine tsha khou dzinginywa tsha tea u vha hone;
• Tshiimo tshine tshiṱitshi tsha u linga tsha ḓo shuma khatsho (tshiṱitshi tsha Tshiimo tsha A tsho tendelwa u ṱola na u linga mimoḓoro ya lushaka luṅwe na luṅwe nga nnḓa ha bisi, zwibisana kana mimoḓoro ine ya fhira 3500kg); na
• zwoṱhe zwo teaho zwine zwa tea u dzhielwa nṱha malugana na u tea ha khumbelo yeneyo, zwine zwa vha kha thendelano ya vhukati ha MEC na mulangi wa tshiṱitshi tsha u linga sa zwo dzinginywaho kha Sheduḽu ya vhu 3 ya Mulayo wa Vhuendi ha Badani dza Lushaka.

Musi zwo ṱanganedzwa, MEC u ḓo sedzulusa khumbelo yavho.

Arali khumbelo yo tendelwa, zwi tevhelaho zwi tea u fushwa:

• VTS yavho i tea fusha ṱhoḓea dza zwiṱitshi zwa u linga sa zwe zwa sumbedziswa zwone kha Sheduḽu ya vhu 4 ya Mulayo wa zwa Vhuendi ha Badani dza Lushaka wa vhu 93 wa 1996.
• Vhukoni ha u linga na u ṱola mimoḓoro u ya nga “u Linga na u ṱola mimoḓoro” sa zwe zwa sumbedziswa zwone kha SANS 10047.

U ṱola na u linga mimoḓoro kha zwiṱitshi zwa u linga sa zwe zwa sumbedziswa zwone kha khoudu ya u shumisa ya SABS047 "U lingwa ha mimoḓoro malugana na u lugela u tshimbila badani".

Zwine vha tea u ita

1. Kha vha ye kha ndaulo ya vundu
2. Vha ḓadze fomo ya khumbelo ya TS1.
3. Vha rumele zwi tevhelaho:
   • ḽiṅwalo ḽa nḓivhadzo
   • zwidodombedzwa zwa miraḓo kana vhalangi
   • Fhethu hune tshiṱitshi tsha ḓo vha hone
   • tshiimo tsha tshiṱitshi
   • ḽiṅwalo ḽavho ḽa vhuṋe (ID).
4. Vha badele mutengo wo tiwaho.

Vha dzhiele nzhele: Vha nga kha ḓi ṱoḓiwa uri vha rumele maṅwalo sa zwine zwa ṱoḓiswa zwone nga MEC.

Tshifhingambekanywa

Zwi nga dzhia miṅwedzi ya rathi u dzudzanya khumbelo.

Zwi ita vhugai

Kha vha Kwame ofisi ya zwa dziḽaisentsi yapo malugana na mbadelo kana mutengo.

Fomo dzi no tea u ḓadzwa

Fomo ya TS1 ya malugana na khumbelo na nḓivhadzo malugana na u redzhisiṱara tshiṱitshi tsha u linga i wanala kha ndaulo ya vundu kana kha webusaithu ya eNaTIS (Application and notice in respect of registration as testing station, TS1).

Vha kwama inyi