Dintlha ka
O lokela ho etsang
Nako ya tshebetso
Ditjeo ke bokae
Diforomo tse tlatswang
Dintlha tsa ho iteanya
Dintlha ka ho ngodisa seteishene sa diteko tsa dikoloi (VTS)
VTS ke setsi se etsang diteko tsa kgonahalo ya ho ka sebedisa dikoloi mebileng ya setjhaba ya Aforika Borwa. Haeba dikoloi di pasa teko, ho tla fanwa ka setefekeiti sa ho lokela tsela.
Ho ngodisa seteishene sa diteko tsa dikoloi (VTS), o tlameha ho ngola afidaviti kapa tiisetso e bolelang mabaka a ho ngodisa mme o e ise ho MEC.
Afidaviti kapa tiisetso e boletsweng e tlameha ho ba le:
- Dintlha tsa motho e mong le e mong, kapa ditho kapa batsamaisi ba motho e mong le e mong wa molao eo seteishene se jwalo sa diteko se tlang ho ngodiswa lebitsong la hae ha ho etsahala hore kopo e jwalo e amohelwe;
- Sebaka sa nnete sa seteishene sa diteko se sisintsweng;
- Kereiti ya seteishene sa diteko se lokelwang ho tsamaiswa (Seteishene sa kereiti ya A se dumelletswe ho hlahloba le ho etsa diteko koloing ya sehlopha sefe kapa sefe bakeng sa ho lokela ho ba tseleng, mme seteishene sa diteko sa kereiti ya B se dumelletswe ho hlahloba le ho etsa diteko koloing ya sehlopha sefe kapa sefe ho sa kenyeletse bese, bese e nyane kapa koloi e fetang 3500kg); le
- Dintlha kaofela tse amehang ho nahana ka ho lokela ha kopo e jwalo e boletsweng tumellanong e entsweng pakeng tsa MEC le rakgwebo wa seteishene sa diteko jwaloka ha ho sisintswe Shejuleng ya 3 ya Molao wa Sephethephethe sa Mebileng wa Naha.
Hang ha e amohetswe, MEC o tla sheba kopo ya hao.
Haeba kopo ya hao e amohetswe, dintlha tse latelang di tlameha ho kgotsofatswa:
- VTS ya hao e tlameha ho phethahatsa ho ya ka minimamo ya ditlhoko tsa diteishene tsa diteko jwaloka ha ho boletswe Shejuleng ya 4 ya Molao wa Sephethephethe sa Mebileng wa Naha wa 93 selemong sa 1996
- Bokgoni ba ho etsa teko le ho hlahloba koloi ho ya ka “Diteko le tlhahlobo ya dikoloi” jwaloka ha ho bontshitswe ho SANS 10047
Tlhahlobo le diteko tsa dikoloi seteisheneng sa diteko jwaloka ha ho hlokeha khoutung ya tshebetso ya SABS 047 "Diteko tsa dikoloi bakeng sa ho lokela ho ba tseleng ".
- Leba botsamaising ba heno ba porovense
- Tlatsa foromo ya kopo ya TS1.
- Isa tse latelang:
- tokomane ya kano
- dintlha tsa ditho kapa batsamaisi
- sebaka sa nnete sa seteishene
- kereiti ya seteishene
- bukana ya hao ya boitsebiso (ID).
- Lefa tefiso e behetsweng.
Ela hloko: O ka nna wa hlokeha ho isa ditokomane ho ya kamoo MEC a hlokang.
Ho ka nna ha nka dikgwedi tse tsheletseng ho sebetsa kopo ya hao.
Iteanye le kantoro ya dilaesense ya lehae bakeng sa ditjeho.
Kopo le tsebiso mabapi le boingodiso ba seteishene sa diteko, TS1 (Application and notice in respect of registration as testing station, TS1)
Contact your local municipality