Ngaha
Zwine vha tea u ita
Zwi dzhia tshifhinga tshingafhani
Ndi vhugai
Fomo dzine dza tea u ḓadziwa
Vha kwama nnyi
Ngaha u ita khumbelo ya pfanelo ya u thoma mugodi
Arali vha tshi khou ṱoḓa pfanelo ya u thoma mugodi, vha tea u wana thendelo kha Muhasho wa Zwiko zwa Minerala uri vha bye minerala kha vhupo vhukene.
Pfanelo ya u thoma mugodi a i pfuki tshikhala tsha miṅwaha ya 30.
Pfanelo ya u thoma mugodi i ṋetshedzwa arali:
- Minerala u tshi gwea nga nḓila yone
- vha na masheleni na vhukoni ha u nga tshimbidza kushumele kwa mugodi zwavhuḓi
- pulane ya ndambedzo itshi yelana na kushumele kwa mugodi kwa tshifhinga tshenetsho
- hu sa ḓo vha na tshikafhadzo ya mupo kana tshinyalelo isa ṱanganedzei zwo vhangwa nga u vha hone ha mugodi uyo
- vho badela na u ṋetshedza zwoṱhe zwi ṱoḓeaho kha pulane yo randelwaho ya matshilisano na ya vhashumi
- vha sa khou pfuka Mulayo wa Mveledziso ya Zwiko zwa Minerala na Peṱiroḽiamu, wa 2002 (Mulayo wa vhu 28 wa 2002) (MPRDA)
- kushumele ku tshi yelana na Thendelonzwiwa ya Migodi.
Zwine vha tea u ita
- Kha vha ite khumbelo kha inthanethe.
- Vha badele mbadelo isa humiselwi murahu ya u ita khumbelo nga kha inthanethe.
- Arali sisiṱeme ya ṱanganedza khumbelo iyo, vha ḓo ḓivhadzwa uri vha ḓise mbekanyamushumo ya ndango ya mupo u itela thendelo.
- Kha vha ḓivhadze na u kwamana na vhoṱhe vha kwameaho na vha na dzangalelo hu sa athu fhela maḓuvha a 180 u bva kha ḓuvha ḽa nothisi.
Zwi dzhia tshifhinga tshingafhani
- Arali khumbelo yavho ya swikelela ṱhoḓea dzoṱhe, mulanga dzingu u ḓo vha ḓivhadza nga kha ḽiṅwalo hu sa athu fhela maḓuvha a 14 musi khumbelo yo ṱanganedzwa. Mulanga dzingu u ḓo vha laela uri vha kwame muṋe wa mavu, vhadzulaho kha mavu ayo na vhoṱhe vha kwameaho.
- Arali khumbelo i songo tshimbila zwavhuḓi, mulanga dzingu u ḓo i humisela kha vhone hu sa athu fhela maḓuvha a 14.
- Arali Minisiṱa vha hana u vha fha pfanelo ya u thoma mugodi, vha ḓo ḓivhadzwa nga kha ḽiṅwalo ḽi sumbedzaho uri ndi ngani vho hanelwa hu sa athu fhela maḓuvha a 30.
Ndi vhugai
Kha vha kwame Muhasho wa Zwiko zwa Minerala u ḓivha ngaha mbadelo.
Fomo dzine dza tea u ḓadziwa
Khumbelo dzi tea u iswa nga kha inthanethe.