Kombela ku tiseriwa poso hi vuntshwa

Xana swi teka nkarhi wo fika kwihi

Mayelana no kombela ku tiseriwa poso hi vuntshwa

Loko u lava bokisi rintshwa ra mapapila, bokisi ra poso kumbe nkwama wa poso, endla xikombelo xa vukorhokeri byo tiseriwa poso eka Poso ya wena ya le kusuhi. Vukorhokeri byo tiseriwa poso byi tirhiseka kusukela hi siku ro sungula ra Sunguti kufikela 31 N’wendzamhala lembe rin’wana na rin’wana naswona ri hakeleriwa ku nga se fika N’wendzamhala.

Xiyaxiya: Tifomo ta swikombelo leti amukeriwaka hi ku posiwa a ti nge amukeleki.

I vinyi lava titsariseke kumbe vahiri va vutshamo lava titsariseke ntsena etindhawini leti vukorhokeri byo tiseriwa mapapila byi nga kotekiki, xikombiso mapurasi, tindhawu ta vurimi, tindhawu ta le makaya na leti ta ha hluvukaka va nga koxaka bokisi rin’we ra poso ra mahala endhawini yo amukela poso ya le kusuhi na vona kumbe eposweni ku ya hi mindzilekano ya poso naswona vumbhoni bya vun’wini kumbe byo tshama byi fanele ku nyikiwa.
Poso yi nga koxa ku tiyisisa mahungu lama nga eka xikombelo.
Swipimelo swo engetelela swa kumeka eka Poso yin’wana na yin’wana kumbe eka webusayiti ya Poso.

Leswi u faneleke ku swi endla

Yana eka Poso ya le kusuhi kutani u kombela fomo ya xikombelo eka thelara.
Tata fomo ya xikombelo.
Fomo ya xikombelo ya kumeka na le ka webusayiti ya Poso.
Khomanisa kopi ya pasi ra wena kumbe vumbhoni byin’wana na byin’wana byo titivisa byo tanihi phasipoto, layisense yo chayela movha na fomo kutani u swi nyiketa thelara eposweni ya wena ya le kusuhi.