Bhalisa sikhungo setemfundvo lephakeme lesitimele

Mayelana

Lokufanele kutsi ukwente

Kutsatsa sikhatsi lesingakanani

Kubita malini

Emafomu lagcwaliswako

Lotsintfwako

Mayelana nekubhalisa sikhungo setemfundvo lephakeme

Ingabe ufisa kuniketa imfundvo lephakeme eNingizimu Afrika? Ufanele kutsi ucale ngekubhalisa sikhungo setemfundvo lephakeme kuLitiko Letemfundvo Lephakeme Nekucecesha (ku-DHET) kute ube nelilungelo lemtsetfo lekuniketa tinhlelo tetemfundvo lephakeme.

Tikhungo tetemfundvo lephakeme tiniketa emazinga lafananako eLuhlaka Lweticu Lwavelonkhe (i-NQF)  (Emazinga-5 kuya ku-10) njengemanyuvesi esive noma emanyuvesi etebuciko.

Inhloso yekubhalisa kucinisekisa kutsi:

• tikhungo letitimele tiniketa imfundvo lesezingeni lelifanele
• ummango uyavikeleka kubachubi betikhungombumbulu letitimele 
• titjudeni titfola ticu letihambisana neLuhlakamsebenti Lweticu Tetemfundvo Lephakeme (i-HEQF) futsi tibhalisiwe ku-NQF 
• lenchubo yemfundvo ihlangabetana nemigomo yekugucula iNingizimu Afrika ngekuya kwenchubomgomo nemtsetfo wahulumende 
• tikhungo letitimele tiyahambisana neMtsetfo weTemfundvo Lephakeme, wanga-1997 (Umtsetfo-101 wanga-1997).
   

Tinhlelo tetikhungo letitimele tifanele kutsi tibhalise ku- DHET, lecinisekiswa Likomdi Lelizinga Lelifanele Letemfundvo Lephakeme (i-HEQC) leMkhandlu weTemfundvo Lephakeme (i-CHE) futsi lebhaliswe ku-NQF nguMtimba Weticu WaseNingizimu Afrika (i-Saqa). Letinhlelo tifanele kutsi temukelwe kuvelonkhe kanye nakumave emhlaba.

Lokungenani akutsi ngembi kwetinyanga le-18 ngembi kwekutsi sikhungo sakho sicale kusebenta ufanele kutsi ungenise sicelo sekubhalisa kuMabhalane wetikhungo Temfundvo Lephakeme Letitimele. Sicelo seKugucula sifanele kutsi singeniswe ngelusuku lolutawuncunywa nguMabhalane (Umcondzisi jikelele).

Lokufanele kutsi ukwente

1. Gcwalisa lifumu lekufaka sicelo lelincunyiwe.
2. Ngenisa lifomu lesicelo kuMabhalane wetikhungo teTemfundvo Lephakeme Letitimele.
3. Ngenisa lamadokhumenti lalandzelako kanye nelifomu lekufaka sicelo:
   • titatimende temali letihloliwe noma imicombelelo yetimali lehloliwe
   • lisu lebhizinisi
   • sivumelwano sesibopho
   • emadokhumenti ekubhalisa inkampani
   • imibiko lehloliwe lehambisana netemphilo kanye netekuphepha emsebentini
   • sitifiketi sekubhalisa ibhizinisi
   • sifungo sekufaka sicelo sekucinisekiswa
   • sibopho sekuhlomisa sikhungo
   • sifungo sekulandzelela nekuhlola
   • tivumelwane naletinye tikhungo, uma ngabe tikhona
   • incwajana yekukhangisa sikhungo yetitijudeni, ikhalenda noma ibhrosha
   • emafomu ekubhalisa, emakontileka etitjudeni kanye nemitsetfo nemitsetfomigomo.
4. Bafakiticelo bakulamanye emave bafanele kutsi bangenise naku lokulandzelako:
   • sifungo selizinga lelifanele leticu
   • bufakazi bekwemukeleka eveni letibuya kulo
   • bufakazi bekucinisekiswa eveni letibuya kulo
   • sitifiketi sekucinisekiswa lesivela ku-HEQC nekubhalisa ku-Saqa
   • sifungo lesisayiniwe sekutsi lesikhungo angeke sibandlulule nganoma nguyiphi indlela
   • uma kwenteka kuba netingucuko, imininingwane kufanele kutsi intjintjwe
   • sifungo sekulandzelela nekuhlola, kanye nesifungo kumibhalo yesikhungo lesemtsetfweni, kubhalwe lusuku futsi kusayinwe.
5. Bhadala imali lencunyiwe.

Caphela: Ucelwa kutsi utsintse mabhalane mayelana netingucuko longatsandza kutenta ngesikhatsi kufaka sicelo kusachubeka.

Kutsatsa sikhatsi lesingakanani

• Kufaka sicelo kwekucala: Tinyanga leti-18 ngembi kwekutsi sikhungo sivulele kubhalisa.
• Kuchibela: Tinyanga leti-12 ngembi kwekutsi tichibelo ticale kusebenta.
• Kugucula: kuya ngekuncuma kwaMabhalane.

Kubita malini

R500.

Emafomu lagcwaliswako

Emafomu ayatfolakala kuLitiko Letemfundvo Lephakeme Nekucecesha:

• Sicelo sekubhalisa njengeSikhungo Setemfundvo Lephakeme Nekucecesha Lesitimele, lifomu APX -01
• Sicelo seKKuchibela, lifomu APX-02 
• Sicelo seKugucula, lifomu APX-03

Lotsintfwako