Nangabe ufuna kubhalisa lapha eNingizimu Afrika imoto lebuya eveni langephandle, kufanele kutsi ukwente loko kumtimba wekubhalisa lofanele.
Lamadokhumenti lalandzelako ayadzingeka:
- Lifomu le-eNaTIS (i-MVR1A nome i-RLV);
- Idokhumenti yamatisi wase-RSA;
- Nangabe ute matisi wase-RSA:
- Matisi lokhishwe live langaphandle nome
- Sitifiketi sekubhalisa imoto
- Emadokhumenti laphatselene nekubhalisa kanye nekutselela imoto ngaphandle kwase-RSA.
- Incwadzi yekugunyata (i-LOA) levela kuMlawuli Wavelonkhe weNchazelotsite Lephocelekile.
Nangabe ufuna kubhalisa lemoto egameni lenkampani, kufanele kutsi ube:
- Nesitifiketi sekuhlanganisa lesikhishwe ngekulandzela Umtsetfo weTinkampani nome;
- Sitifiketi sekuntjintja ligama lesikhishwa ngekulandzela Umtsetfo weTinkampani.
- Nangabe ufuna kubhalisa lemoto egameni lenhlangano yekusebenta ngekuhlanganyela levalekile, kufanele kutsi ube:
- Nesitatimende sekusungula lenkampani ngekulandzela Umtsetfo Wetinhlangano Letisebenta Ngekuhlanganyela Letivalekile nome;
- Sitifiketi sekuntjintja ligama lesikhishwa ngekulandzela Umtsetfo Wetinhlangano Letisebenta Ngekuhlanganyela Letivalekile.
Ngembikwekutsi lemoto ibhaliswe, kufanele kutsi utfole sitifiketi semvume saseMaphoyiseni aseNingizimu Afrika (i-SAPS). Lesitifiketi sikhishwa kuphela ngemuva kwekutsi umtimba lobhalisako ukunike sitifiketi sekwendlulisa nesekubhalisa.
Luphiko Lwekuphuma Nekungena Kwemphahla Nekutseliswa Kwayo lweLuphiko Lwekugcogcwa Kwemtselo lwaseNingizimu (lwe-SARS) lutawukhipha bufakazi bekutsi kube khona kuhambisana nemtsetfosimiso kanye nenchubo yalo. Welulekwa kutsi utsintsane nebaka-SARS kute utfole lwatiso lolubanti.
Tfola kabanti kuwebhusayithi yaka-eNaTIS.
Ngubani longamutsintsa
- City of Johannesburg
- City of Tshwane
- City of Cape Town
- Nelson Mandela Bay
- Eastern Cape municipalities
- Free State municipalities
- Gauteng municipalities
- KwaZulu-Natal municipalities
- Limpopo municipalities
- Mpumalanga municipalities
- North West municipalities
- Northern Cape municipalities
- Western Cape municipalities