Tlolisa Ikoloyi Ebuya Elizweni Langaphandle

Nawufuna ukutlolisa ikoloyi ebuya elizweni elingaphandle kweSewula Afrika, kufanele uyitlolise ezikweni lezokutlolisa iinkoloyi elifaneleko langekhenu.

Kufuneka nasi imitlolo nawuyokutlolisa ikoloyi ebuya elizweni langaphandle:

• Iforomu le-e-NaTIS (I-MVR1A namkha i-RLV);
• UMazisi (i-ID) weRiphabhligi yeSewula Afrika;
• Nayibe awunayo i-ID yeRiphabhligi yeSewula Afrika, kufuneka:
  • I-ID ekhutjhwe lilizwe langaphandle;
  • Isitifikethi sokutloliswaI kwekoloyi ezikweni leenkoloyi;
• Amaphepha/Imitlolo emalungana nokutloliswa nokunikelwa ilayisense kwekoloyi ngaphandle kwelizwe leSewula Afrika.
• Incwadi enikela igunya, i-Letter of authority (LOA)  ebuya ku-National Regulator for Compulsory Specifications.

Nayibe ufuna ukutlolisa ikoloyi ebizweni lekhampani, kufuze:

• Ube nesitifikethi sokufaka ikoloyi ngaphasi kwebizo lekhamphani ngokomThetho weenKhamphani, namkha
• Ube nesitifikethi sokutjhugulula ibizo ngokomThetho weenKhamphani.
• Nawufuna ukutlolisa ikoloyi ebizweni lekhamphani yangeqadi yamatjhere wobunikazi obulinganisiweko, kufunele ube:
  • Nesitatimende sokusungula esikhutjhwe ngokomThetho weenKhamphani zangeqadi zamatjhere wobunikazi obulinganisiweko;  namkha
  • Isitifikethi sokutjhugulula ibizo esikhutjhwe ngokomThetho weenKhamphani zangeqadi zamatjhere wobunikazi obulinganisiweko.                                                                   

Ngaphambi kobana ikoloyi itloliswe, kufuze uthole isitifikethi sokuhlanjululwa emaPholiseni (i-SAPS). Sona-ke sikhutjhwa kwaphela ngemva kobana iimphathimandla ezitlolisako zizabe sezikunikele isitifikethi esilayelako nesokutloliswa kwekoloyi.

IPhiko lezomThelo wePahla yokuthengiselana namaZwe wangaPhandle leZiko lezokuButhelelwa komThelo eSewula Afrika (i-SARS) lizakunikela ubufakazi obufunekako bokukhambisana nemithetho nekambiso. Ungathintana ne-ofisi yakwa-SARS ukuze ufumane eminye imininingwana.

Thola eminye imininingwana kubunzinzolwazi be-eNaTIS.

Uthintana nobani