Ngesi
Yini lekumele uyente
Sikhatsi semsebenti
Ngabe kubita malini
Emafomu lagcwaliswako
Ngubani longamutsintsa
Ngekufaka sicelo Sekusisa Endzaweni lohlala kuyo kepha uphuma kulelinye live
Uma ngabe uphuma kulelinye uhlala eNingizimu Afrika ufuna kusisa umntfwana waseNingizimu Afrika, kumele ucale ngekutsintsa sisebenti setenhlalakahle lesigunyatiwe nobe inhlangano kodvwa asikho sidzingo sekutsintsa legunyatwe kusisa phakatsi kwemave.
Kumele ube bewuhlala kulelive iminyaka lesihlanu futsi uletse bufakazi bendzawo lohlala kuyo kanye nemvumo yekusebenta. Ungafaka sicelo salokusisa kantsi sitawutsatfwa ngekusisa kwavelonkhe.
Yini lekumele uyente
- Tsintsa inhlangano yekusisa ngebantfwana lefanele lesedvute nawe.
- Lenhlangano yekusisa itawenta luhlolo/sifundvo sasekhaya kubuka kutsi ngabe uyafaneleka futsi ukulungele kusisa umntfwana.
- Uma inhlangano yenetisekile ngemiphumela, batakufaka kuRejista yeBantfwana labaSiswako neyeBatali labaSisako (RACAP) ngalesikhatsi bakusita kufuna umntfwana lodzingwa kusiswa
- Uma umntfwana akhona, bakufonela emahhovisi kutsi ufike utewubona umntfwana baphindze bakubute kutsi ngabe uyafuna na kusisa lomntfwana.
- Uma ngabe uvuma, batakutfumela umbiko wakho enkantolo yeBantfwana kutsi iphetse ngalokusisa iphindze ikhiphe umyalo wekusisa.
- Umbiko wenkantolo utawutfunyelwa kuLitiko Letekutfutfukiswa Kwetenhlalakahle kute babuke kwekutsi ngabe lenchubo ilandzelelwe nekkutsi barekhode imininingwane yakho neyemntfwana.
Ngabe kubita malini
Kumele ubhadale kunhlangano yekuvikela bantfwana legunyatiwe macondzana nekusiswa kwebantfwana phakatsi kwemave.
Emafomu lagcwaliswako
Onkhe emafomu ayatfolakala ehhovisi Lelitiko Letekutfutfukiswa Kwetenhlalakahle edvute nawe.
