Ngesi
Yini lekumele uyente
Sikhatsi semsebenti
Ngabe kubita malini
Emafomu lagcwaliswako
Ngubani longamutsintsa
Ngesi nemvume nenombolo yekuhweba ngetimoto
Kute ushayele sitfutsi lesingakabhaliswa emgwacweni wesive waseNingizimu Afrika, kufanele kutsi ucale ngekufaka sicelo semvume nenombolo yekuhweba ngetimoto
Inombolo yekuhweba ngetimoto isetjentiswa bakhi betintfo lababhalisile, bakhi betindlu nome labatsenga kulamanye emave, bosonkontileka labatfutsa timoto, labatsengisa timoto nome tikhungo tetetimali letisebentisa timoto letingakabhaliswa naletite imvume emgwacweni wesive ngenca yesimo nome bunjalo bebhizinisi yato.
Leyo misebenti ifaka ekhatsi:
- kutsengisa titfutsi
- kuntjintjisana ngetitfutsi
- kulungisa titfutsi, nome
- kudiliva titfutsi kumakhasimende.
Yini lekumele uyente
- Yani ehhovisi lekubhalisa imvume lelisedvute kufanele kutsi uphatse lokulandzelako:
- ikhophi yamatisi wakho nome incwadzi yekucela kuba ngummeleli nangabe umele inkampani.
- sitifiketi sekubhalisa ibhizinisi nangabe umele inkampani
- imali lencunyiwe.
- Gcwalisa lifomu (i-MTN1) lesicelo senombolo yemoto yekuhweba ehhovisi lakho lendzawo lekubhalisa imvume.
- Shano kutsi kungani utidzinge letinombolo tekuhweba uphindze futsi usho nelinani letinombolo tekuhweba lotidzingako.
Sikhatsi semsebenti
Sicelo sisetjentwa ngalelo langa.
Ngabe kubita malini
Tsintsa lihhovisi lekubhalisela imvume lendzawo kute utfole kutsi malini.
Emafomu lagcwaliswako
Lifomu (i-MTN1) Lesicelo Senombolo Yekuhweba Ngetimoto (Application and notice i.r.o motor trade number and blank temporary permits [Form MTN1])
Ngubani longamutsintsa
Contact the registration authority service centre at your local municipality