Go dira kgopelo ya tokelo ya go epa diepša

Tlhalošo
Tsela e latelwago
Nako ya tšweletšo ya mošomo
Tefelo
Diforomo
Mafelo le diatrese

 

 

Tlhalošo

Tokelo ya go epa diepša e fiwa ke Mmušo ka tšhomišano le Kgoro ya dimenerale le Enetši yeo e go fago maatla a go epa dimenerale mo lefelong le le itšego.

Tokelo ya go epa e ka se šome lebaka la mengwaga ye 30.

Tokelo ya go epa e fiwa ge e le gore:

  • dimenerale tše di amegago di ka epša gabotse
  • mokgopedi o na le tšhelete le mabokgoni a go tšwela pele ka mošomo wa go epa diepša
  • leano la matlotlo le bontšha gabotse gore le tlo kgona go šoma mo lebakeng leo le beilwego.
  • go ka se be le tšhilafatšo ya tikologo ye e sego ya letelwa ka lebaka la mošomo wo wa go epa
  • mokgopedi o dirile ditokišetšo tša matlotlo le mabaka a mangwe malebana le leano la bašomi le la leago.
  • mokgopedi ga a tshele Molao wa Dimerenale le Tlhabollo ya Ditlabelwa tša Petroleamo (Mineral and Petroleum Resources Development Act, 2002 (Act No. 28 of 2002)
  • mešomo ya mmaene e sepelelana le Tšhatha ya Mebaene.

Tsela e latelwago

  1. Dira kgopelo ofising ya Molaodi wa Selete wa Kgoro ya Dimenerale le Enetši mo seleteng seo lefase leo le amegago le lego gona.
  2. Tlatša Foromo ya Application for mining right, DME 276 (Form D, Annexure I) (Dira kgopelo ya phemiti ya go epa diepša) ye e hwetšagalago ofising ya Molaodi wa Selete. O ka no hwetša foromo ye mo atreseng ya inthanete.
  3. Iša foromo ka seatla goba ka poso go Molaodi wa Selete seo lefelo la mmaene le lego gona.
  4. Foromo e swanetše go sepetšwa le tšhelete ye e beilwego ke Molaodi wa Selete gomme yona tšhelete ye e ka se bušetšwe mokgopedi.
  5. Ge Molaodi wa Selete a ka dumela kgopelo ya gago, o tlo re mo matšatšing a 14 morago ga go amogela kgopelo, a go tsebiša gore o romele leano la taolo ya tikologo gore le lona le dumelelwe.
  6. Tsebiše le go kopana le batho ka moka bao ba amegago mo matšatšing a 180 morago ga go amogela tsebišo ya Molaodi wa Selete.

Nako ya tšweletšo ya mošomo

  • Molaodi wa Selete o tlo re mo matšatšing a 14 morago ga go amogela kgopelo ya gago a go tsebiša ka lengwalo ge e le gore kgopelo yeo e dumeletšwe, se se bolela gore kgopelo ya gago e kgotsofatša dinyakwa ka moka gomme a go laela gore o ikopanye le mong wa naga, badudi, le batho ka moka bao ba amegago.
  • Ge kgopelo ya gago e se e dumelelwe Molaodi wa Selete o tlo go bušetša yona mo matšatšing a 14.
  • Ge Tona a ka gana go dumelela kgopelo ya gago, o tlo go tsebiša ka lengwalo, mo matšatšing a 30, a hlaloša mabaka a sephetho seo.

Tefelo

Ikopanye le Lefapha la Mehlodi ya Dirashwa bakeng sa ditjeho.

Diforomo

Dikgopelo ka moka di swanetšwe go dirwa ka inthanete.

Mafelo le diatrese

 

Share this page