Ka ga | Seo o swanetšego go se dira | Lebaka | E dira tshenyagelo ya bokae | Diforomo tšeo di swanetšwego go tlatšwa | Dintlha tša boikopanyo
Mabapi le go fiwa laesense ye nngwe legatong la ye e senyegilego
Ge e le gore laesense ya gago ya go otlela ya karata e timetše, utswitšwe goba e senyegeile, o ka dira kgopelo ya ye mpsha.
Godimo ga moo o tlo swanela go dira le kgopelo ya laesense ya lebakanyana ya go otlela yeo le yona e nago le tefo ya yona.
Gore o kgone go fiwa laesense ye nngwe morago ga go timetša ya kgale o ka se gapeletšege go dirwa diteko ka lefsa, eupša o tlo dirwa diteko tša mahlo gomme wa tšewa kgatišo ya menwana. Ka go le lengwe, o ka ya ngakeng ya mahlo gore e go dire dieteko tša mahlo gomme wa iša pego yeo senthareng ya DLTC.
- Eya go la DLTC ye kgauswi o swere:
- pukwana ya gago ya boitsebišo (ID) le khopi ya pukwana ya boitsebišo goba phasepote ya makgonthe ya Afrika Borwa le khopi.
- bohlatse bja aterese ya poso le ya madulo, go fa mohlala, lengwalo la akhaonte ya ditirelo. Ge e le gore lengwalo la tefišo ya ditirelo ga se la ngwalwa ka leina la gago, mong wa lengwalo leo o swanetše go dira abitabiti a tiišetše gore o dula lefelong leo gomme lengwalo la tefišo ya ditirelo leo le swanetše go kgomaretšwa go abitabiti.
- ge e le gore o dula lefelong la mekhukhung, o swanetše go tla le lengwalo leo le nago le setempe sa semmušo se se nago le letšatšikgwedi go tšwa go mokhanselara wa wate leo le tiišetšago aterese ya gago ya poso le ya madulo.
- dinepe tše nne tša go swana tše tlwaelegilego. O swanetše go thoma ka go tiišetša le ba DLTC gore ba nyaka dinepe tše kae pele ga ge o ka tšea dinepe.
- Tlatša foromo ya kgopelo ya phetošetšo ya lengwalo la go otlela (DL1).
- Tlatša foromo ya tsebišo ya go fetoga ga aterese goba ga dintlha tša motho goba tša mokgatlo (ya NCP).
- O tla kgopelwa go ya go dirwa diteko tša mahlo.
- Ka go le lengwe, diteko tša mahlo di ka dirwa ke ngaka ya mahlo ye o e kgethago; dipoelo di swanetše go tlišwa go DLTC.
- Laesense ya gago ya go otlela e tlo tšea dibeke tše nne go iša go tše tshela.
- Laesense ya lebakanyana ya go otlela e fiwa le semeetseng
Ikgokaganye le kantoro ya tikologo ya geno ya dilaesense go tseba ka ga ditefo.
Diforomo tšeo di swanetšwego go tlatšwa
Kgopelo ya laesense ya go otlela, DL1 e hwetšagala seteišeneng sa teko ya bootledi.
- City of Johannesburg
- City of Tshwane
- City of Cape Town
- Nelson Mandela Bay
- Eastern Cape municipalities
- Free State municipalities
- Gauteng municipalities
- KwaZulu-Natal municipalities
- Limpopo municipalities
- Mpumalanga municipalities
- North West municipalities
- Northern Cape municipalities
- Western Cape municipalities