UmNyango wezeTjhebiswano nokuSebenza kwamaZwe ngamaZwe (i-DIRCO) – Department of International Relations and Cooperation (DIRCO) – awusalikhuphi iforomo lokuTloliswa kwamaSewula Afrika kaManye amaZwe (i-ROSA) ku-inthanethi.
Izakhamuzi zeSewula Afrika eziya kamanye amazwe nofana ezihlala kamanye amazwe zikhuthazwa bona zizitlolise bezihlale zitlolisiwe ngaleziindlela ezilandelako:
- Thintana ne-ofisi lobuzenda eliseduze nawe elizweni lapho ukhona bese uya khona uyozitlolisa mathupha.
- Thumela i-imeyili ku: Rosahelp@dirco.gov.za
- Tlolisa ngokusebenzisa u: DIRCO Travel Smart App, efumaneka eensetjenzisweni zethekhnoloji ezine-iOS ne-Android.
- Vakatjhela ikhasi le-Consular Services kubunzinzolwazi be-DIRCO, lapho uzakuthola khona imininingwana eqakathekileko nesizo eliphathelene namaSewula Afrika akamanye amazwe.
Umnqopho walelisizo kuvikela nokuqinisekisa ihlalakuhle yamaSewula Afrika akamanye amazwe, nokusiza umNyango ukusiza ngesekelo onalo lokha amaSewula Afrika nakavelelwa ngokungakalindeleki, njengalokha nakehlelwa yihlekelele yemvelo, nalokha nakusuka ipi elizweni lapho akhona nofana lokha nakudingeka isizo elirhabako emndenini.
