Okuphathelene
Okufanele ukwenze
Isikhathi esibekiweko
Kubiza malini
Amaforomo ekufanele uwazalise
Ungathintana nobani
Okuphathelene nokwenza isibawo selungelo lokumayina
Nawufuna ilungelo lokumayina, kufuze uthole imvumo emNyangweni wemiThombo yezeNjiwa kobanyana uzokukghona ukwemba izenjiwa endaweni ethileko.
Ilungelo lokumayina akukafaneli lidlule ema-30 weminyaka.
Ilungelo lokumayina ulithola nayibe:
- Isenjiwa (iminerali) ofuna ukusemba singenjiwa indima ekulu
- Unayo imali nelwazi lokuwuraga indima ekulu umsebenzi wokumayina ekufuze wenziwe loyo
- Ihlelo lokukusekela ngeemali liyakhambisana nomsebenzi wokumayina ekufuze uragwe lapho, begodu lizakubambelela bewuphele umsebenzi loyo
- Ukumayini kwakho indawo leyo angeze kusilaphaze namkha kone ibhoduluko
- Uzilungiselele ukuqalelela iimfanelo ezibekiweko zomphakathi nezinye eziphathelene nezemisebenzi
- Awephuli umThetho wezokuThuthukiswa kwemiThombo yezeNjiwa (uMthetho 28 womNyaka wee-2002 ) i-MPRDA)
- Umsebenzi wokumayina lapho ukhambisana nomTlolo wamaLungelo wokuMayina.
Okufanele ukwenze
- Faka isibawo ngokwe-inthanethi.
- Bhadela imali yokwenza isibawo engabuyiswako.
- Nayibe isibawo sakho siyamukeleka, uzakwaziswa bona ulethe ihlelo lakho ozalisebenzisela ukulonda ibhoduluko kobanyana lizokuhlolwa.
- Yazisa ube ubonisane nazo zoke iinqhema ezithintekako kungakapheli amalanga ali-180 ukusukela ngelanga lesaziso.
Isikhathi esibekiweko
- Isibawo sakho nasifikelela zoke iimfuneko, umphathi wesiphande uzakutlolela incwadi kungakapheli amalanga ali-14 ayifunyene, akutjele ukuthi samukelekile namkha njani na isibawo sakho. Umphathi wesiphande uzakulayela ukuthi ukhulumisane nomnikazindawo nazo zoke ezinye iinqhema ezithintekako endabeni le.
- Nakufumaniseka ukuthi isibawo sakho asikaphumeleli, umphathi wesiphande uzakubuyisela isibawo sakho kungakapheli amalanga ali-14.
- Nakufumaniseka ukuthi uNgqongqotjhe uyala ukukunikela ilungelo lokumayina, uzakwaziswa ngencwadi kungakapheli amalangna ama-30, ozakutjelwa ngayo ukuthi kubayini walelwe ukunikelwa ilungelo lokumayina.
Kubiza malini
Thintana nomNyango wemiThombo yezeNjiwa kobanyana uzokuhlathululela ngeendleko zalomsebenzi.
Amaforomo ekufanele uwazalise
Iimbawo kufanele zithunyelwe nge-inthanethi.