Ungasifaka njani isicelo sephepha-mvume lokuba nompu
Ukuba ufuna ukuba nompu, kufuneka uqeqeshwe kwiziko elisemthethweni uze ufumane isiqinisekiso sokukwazi ukusebenzisa umpu.
Wakuba usifumene isiqinisekiso sokukwazi ukusebenzisa umpu, ungafaka isicelo sephepha-mvume lokuba nompu kwisikhululo samapolisa esikufutshane nawe. Kufuneka ube nephepha-mvume lokuba nompu ngamnye onawo.
Uluhlu lwamaziko oqeqesho asemthethweni lukhona kwiwebhusayithi yabeNkonzo yamaPolisa yoMzantsi Afrika (i-SAPS).
Ukuhlaziya iphepha-mvume lokuba nompu
Kufuneka uhlaziye iphepha-mvume lompu wakho kwiintsuku ezingama-90 ubuncinane phambi kosuku lokuphelelwa kwalo. Ithuba lokusebenza kwephepha-mvume lokuba nompu liphakathi kweminyaka emibini nelishumi, kodwa oku kuxhomekeka kuhlobo lwamaphepha-mvume onawo.
Fumana ezinye iindlela zokufaka isicelo sephepha-mvume elitsha lompu okanye qhagamshelana neZiko loNxibelelwano lemiPu leSizwe le-SAPS (012 353 6111/cfrenquiry@saps.gov.za).
