Fa e le gore o batla go nna le tlhobolo, o tshwanetse go katisiwa kwa setheong se se alogisitsweng semmuso mme o neelwe lekwalo le le totobatsang fa o katisitswe.
Fa o na le lekwalo le le totobatsang fa o katisitswe, o ka ikwadisetsa lekwalotetla la tlhobolo kwa seteišeneng se se gaufi le wena sa mapodisi. O tlhoka lekwalotetla la tlhobolo e nngwe le e nngwe mabapi le ditlhobolo tsotlhe tse o nang le tsone.
Lenaane la ditheo tse di alogisitsweng semmuso le somarelwa mo webosaeteng ya SAPS.
Ntšhwafatsa lekwalotetla la gago la tlhobolo
O tshwanetse go ntšhwafatsa lekwalotetla la gago la tlhobolo mo matsatsing a le 90 pele ga letlha la gore le felelwe ke nako. Tiriso ya lekwalotetla leno e amogelesegile go ya ka dinako tse di farologaneng e katswa e le mo dingwageng di le pedi go ya go di le 10, mme seo se ikaegile ka mofuta wa lekwalotetla la gago.
Bona dintlha ka botlalo mabapi le ka fao o ka ikwadisetsang lekwalotetla le lentšhwa la tlhobolo kgotsa ikgolaganye le Tikwatikwe ya Bosetšhaba ya SAPS ya Megala Mabapi le Ditlhobolo (012 353 6111/cfrenquiry@saps.gov.za).