Nawufuna ukuba nesigidi, kufanele ubandulwe liziko elitloliswe ngokomthetho uthole isitifikedi sekghono lokusebenzisa isigidi.
Nasele uthole isitifikedi sekghono lokusebenzisa isigidi, ungenza isibawo selayisensi yokuphatha isigidi esitetjhini samapholisa esiseduze nawe. Kufanele ube nelayisensi yazo zoke iingidi onazo.
Irhelo lamaziko wokubandula wangokomthetho litholakala kubunzinzolwazi bezemiSebenzi yesiPholisa yeSewula Afrika (i-SAPS).
Vuselela ilayisensi yakho yesigidi
Kufanele uvuselele ilayisensi yesigidi sakho emalangeni ama-90 ngaphambi kokuphelelwa kwesikhathi selayisensi yesigidi sakho. Ukuba semthethweni kwelayisensi kutjhiyana ngeminyaka phakathi kwemibili nelitjhumi kuye ngokuthi mhlobo wuphi welayisensi.
Fumana ilwazi elinabileko ngokwenza isibawo selayisensi etja yesigidi namkha uthintane neZiko lemiTato yemiSebenzi yesiPholisa seliZwe eliphathelene neenGidi (012 353 6111/cfrenquiry@saps.gov.za).
