Ukufaka isicelo sesiza nephapha-mvume lentengiso

Kufuneka ufake isicelo kwiSebe lezaMandla xa ufuna indawo yokugcina ipetroleum kunye nephepha-mvume lokuthengisa ukuba ufuna ukuthenga okanye ukuthengisa iimveliso zepetroleum kuluntu.

Qaphela: Umthengisi uvumelekile ukuba athenge iimveliso zepetroleum kumvelisi okanye ishishini elithengisa ngesixa elinephepha-mvume kuphela.

Iphepha-mvume liza kuhlala lisemthethweni ukuba nje ishishini lakho lisaqhuba.

Ekufuneka ukwenze

1. Ugcwalise ifomu yokuFaka isiCelo sesiza okanye iphepha-mvume lokuthengisa, i-DE 39.
2. Thumela ifomu yokufaka isicelo kwi-ofisi yengingqi yeSebe lezaMandla.
3. ISebe liza kuthumelela ileta ecacisayo ukuba kufuneka upapashe isaziso sokufaka isicelo kumaphepha-ndaba amane.
4. Kufuneka unike ubungqina bokuba usipapashile isaziso sokufaka isicelo kwiSebe.
5. Wakuba ulifumene iphepha-mvume, kufuneka ungenise iinkcukacha ngeshishini lakho rhoqo ngonyaka usebenzisa ifomu yolwazi lonyaka ngeshishini elithengisayo (Ifomu engeniswayo), i-DE 33.

Ixesha elimiselweyo

Isigqibo sithathwa zingekapheli iintsuku ezingama-90 ukusuka ngomhla iSebe lifumana ubungqina bokupapashwa kwesaziso sokufaka isicelo.

Imali ehlawulwayo

• Intlawulo yokufaka isicelo sephepha-mvume lesiza li-R1 000.
• Intlawulo yokufaka isicelo sephepha-mvume leshishini lokuthengisa ngama-R500.
• Ulwazi lonyaka lephepha-mvume leshishini lokuthengisa ngama-R500.

Iifomu ezigcwaliswayo

• Application for site or retail licence, DE 39
• Retail licence annual information (submission form), DE 33
• Application for temporary licence
   

Iinkcukacha zonxibelelwano