Xikombelo eka SAQA xa ku amukeriwa ximfumo (accreditation) tani hi munyiketi va vutirheli

Nhlamuselo

Swinawana leswi tirhaka eka Education, Training and Development Quality Assurance (ETDQAs) ehansi ka South African Qualifications Authority (SAQA) swi lava vaphakeri va dyondzo na vuleteri ku endla xikombelo xo amukeriwa. Ku amukeriwa, vaphakeri va dyondzo na vuleteri va boheka ku rhijisitara hi ku landza milawu leyi tirhaka. Milawu mayelana na Dyondzo ya le Henhla na Dyondzo yo Yisa emahlweni yi lava leswaku vaphakeri hinkwavo va dyondzo na vuleteri lava nyikaka vuthwasi lebyi heleleke va rhijisitariwa na Ndzawulo ya Dyondzo.

Muphakeri wa dyondzo na vuleteri u fanele ku dyondzisa swiyimo swa ntolovelo na/kumbe minthwaso leyi welaka eka ndhawu ya masungulo yo nkoka ya huvo ya Education and Training Quality Assurance (ETQA) ya Sector Education and Training Authority (SETA) kumbe Huvo ya Xiphurofexini.

Swilaveko swo amukeriwa:

• Swilaveko swo amukeriwa swi kumeka eka tsalwa leri vuriwaka Criteria and Guidelines for Providers naswona ra kumeka eka webusayiti ya SAQA.
• Minongonoko (na/kumbe ku hlela) leswi nyikiwaka hi muphakeri wa dyondzo na vuleteri swi vumba swi swiyimo swa ntolovelo na/kumbe minthwaso leyi rhijisitariweke eka National Qualifications Framework (NQF). 
• Kharikhulamu (vukhavisi, vundzeni na switirhisiwa swa dyondzo) swi fambelana na swiyimo swa ntolovelo na/kumbe minthwaso.
• Kuna vatirhi lava thwaseleke (vakondleteri na vahleri lava rhijisitariweke).
• Vadyondzi va kuma vukorhokeri byo ringanela bya nseketelo wo dyondza. 
• Tindlela ta hlelelo na switirhisiwa swo tirha ku pima swilaveko swa swiyimo swa ntolovelo na/kumbe nthwaso swi kahle, tirheka no tshembheka, naswona swi tirhisiwa ku antswisa dyondzo.

Magoza lama faneleke ku landzeleriwa

• Rhumela papila ra xikongomelo xa wena xo amukeriwa tanihi muphakeri wa dyondzo na vuleteri eka ETQA leyi faneleke.
• Yisa fomo yo tikambela na ya xikombelo eka ETQA. 
• Loko u amukeriwa naswona u twa onge endlelo a ri voyamela tlhelo ro karhi, u na mfanelo wo endla xivilelo.
• Nxaxamelo wa ti-ETQA na vuxokoxoko bya vutihlanganisi swa kumeka eka webusayiti ya SAQA.

Matirhelo na nkarhi wa ku endliwa ka ntirho

Swi nga teka ku fika ka kwalomu ka 6 wa tin’hweti.

Mali leyi hakeriwaku

Ntirho lowu wu endliwa mahala.

Tifomu leti tifaneleke ku tatiwa

Tifomo ta vaphakeri ta xikombelo xo amukeriwa na matsalwa laya fambelanaka ti nga kumeka eka ETQA leyi faneleke.

Vuxokoxoko bya ku tihlanganisa