Ngesi
Yini lekumele uyente
Sikhatsi semsebenti
Ngabe kubita malini
Emafomu lagcwaliswako
Ngubani longamutsintsa
Mayelana nelayisensi yetinsita temsakato wemsindvo wemgamu lomfishane
Umtsetfo wekusakata, wanga-1999 (Umtsetfo we-4 wanga-1999), uchaza tinsita temsakato wemsindvo wemgamu lomfishane njengemsakato wemmango, lotimele noma wahulumende lohambisa emagagasi emandla langendluli i-watt (silinganiso sagezi) yinye.
Ilayisensi yetinsita temsakato wemsindvo wemgamu lomfishane inganiketwa kulemikhakha lelandzelako:
- Tinsita temsakato wemsindvo wemgamu lomfishane wetekutsengisa – tisinta letisebenta tiphindze futsi tisakate kusuka noma tiyise kutikhungo tetitolo/ema-mall, emabaleni etemidlalo, emabaleni etembukiso nakumatiyetha eluhlobo lwemamuvi langema-drive-in, nanoma nguyiphi lenye insita yaloluhlobo Umtimba Lotimele Wetekuchumana waseNingizimu Afrika (i-Icasa) lengakukhandza kufanele.
- Tinsita temsakato wemsindvo temgamu lomfishane temmango – tinsita letisebenta futsi tisakata tisuka noma tiyisa emakhaya alabadzala, luchumano emkhatsini wetindzawo tekuthantaza, luchumano emkhatsini wetindzawo tekuthantaza nemakhaya alabadzala, noma ngabe nguyiphi lenye indzawo lefanana naleti i-Icasa lengayitfola ifanelekile.
Emalayisensi ekusakata umsindvo lonemgamu lomfishane wemmango newekutsengisa atawusebenta iminyaka lemitsatfu, bese kutsi ilayisensi yekusakata umsindvo wemikhosi lekhetsekile lonemgamu lomfinshane itawusebenta emalanga langemashumi lamatsatfu
Lokufanele kutsi ukwente
- Tfola siteshi lesifanele sekusebentisa umsindvo wemgamu lomfishane.
- Tfola indzawo letawuba sikhungo sekusakata.
- Tfola licembu lekusebenta kutsi litsatse sibopho sekusebentisa nchubo liphindze futsi lisebente njengemfakisicelo egameni lebahleli bemkhosi.
- Licembu lekusebenta lifanele kutsi:
- Ligcogce emasayini emmango
- Libhale luhlelo lwebhizinisi
- Lichube lukhetfo lwemalunga eBhodi ngekwentsandvo yelinyenti.
- Cela ikhophi yefomu yekufaka sicelo setinsita tekusakata kanye neyokusabalaliswa kwesiginali ku-Icasa.
- Gcwalise lelifomu ngekubhala ngesandla, libhale ngetinhlamvumagama letinkhulu.
- Ngenise lifomu lekufaka sicelo lelingisiyo ikhophi kanye nemakhophi lacinisekisiwe elifomu la-16ku-Icasa, kanye nemali yekufaka sicelo.
Ticelo letingakapheleli titawubuyiselwa emuva kumfakisicelo futsi angeke sikwemukele kuphatanyiswa.
Kutsatsa sikhatsi lesingakanani
Kuvunywa kwalelayisensi kungatsatsa tinyanga letimbili kuya kuletintsatfu.
Kubita malini
Emafomu lagcwaliswako
Lelifomu lesicelo litawuba yincenye yemashejuli latawushicilelwa kuGazethi yaHulumende.
Imininingwane yekutsintsana
ICASA head office
Tel: 012 568 3000/3001
E-mail: info@icasa.org.za
Physical address: 350 Witch-Hazel Ave, Eco-Park Estate, Centurion, 0144
Postal address: Private Bag X10, Highveld Park 0169