Ilayisense yokurhatjha yomdumo wamandla aphasi

Okuphathelene 

Okufanele ukwenze 

Isikhathi esibekiweko 

Kubiza malini 

Amaforomo ekufanele uwazalise 

Ungathintana nobani

Malungana nelayisense yokurhatjha yomdumo wamandla aphasi

UmThetho WezokuRhatjha WomNyaka We-1999 ( umThetho Nomboro 4 we-1999) – i-Broadcasting Act, 1999 (Act 4 of 1999), uhlathulula ukurhatjha ngomdumo wamandla aphasi njengomrhatjho womphakathi, wangeqadi namkha womuntu woke ophehla amandla angadluliko ku-watt yinye.

Ilayisense yokurhatjha yomdumo wamandla aphasi inganikelwa kilamakoro alandelako:

• Umrhatjho orhatjhela ukwenza imali womdumo wamandla aphasi – imirhatjho esebenzela nerhatjhela eenthabathabeni zeentolo, eenkundleni zemidlalo, ematatawini wemibukiso kunye nemathiyetha wemidlalo yesiteyiji angenwa ngeenkoloyi namkha nanyana ngiwuphi omunye umrhatjho onjalo iBandla eliziJameleko lezokuThintanta leSewula Afrika [i-Independent Communication Authority of South Africa (i-Icasa)] engawubona ulungele ukwenza umsebenzi onjalo.
• Umrhatjho orhatjhela umphakathi womdumo wamandla aphasi – imirhatjho erhatjhela emakhaya atlhogomela abantu abalupheleko, ukuthintana hlangana neendawo zokukhonza, ukuthintana hlangana neendawo zokukhonza namakhaya atlhogomela abantu abalupheleko namkha nanyana yini enye eyenza umsebenzi onjalo i-Icasa engayibona ikulungele ukwenza loyo msebenzi.

Womabili amalayisense womdumo wamandla aphasi wokurhatjhela umphakathi nawokurhatjhela ukwenza imali asebenza iminyaka emithathu, kanti-ke ilayisense yokurhatjha okukhethekileko yomdumo wamandla aphasi isebenza amatjhumi amathathu wamalanga.

Okufanele Ukwenze         

1. Khetha isitetjhi sommoya esilungele ukusetjenziswa ngamandla aphasi.
2. Khomba indawo ekuzokuhlonywa kiyo istjudiyo nomphakathi  ekuzorhatjhelwa wona.
3. Hlanganisa isiqhema somsebenzi esizakuraga umsebenzi wokufaka isibawo sibe nanga mfakisibawo egameni labakhwezeleli bomnyanya ozokurhatjhwa/besiga esizokurhatjhwa.
4. Isiqhema somsebenzi kufanele:
   • Sitlole umtlamo webhizinisi
   • Sikghonakalise namkha silawule ukukhethwa kwamalunga weBhodi ngokwekambiso yentando yenengi.
5. Khombela ikhophi yomsebenzi womrhatjho neforomo lokufaka isibawo lokusabalalisa isizwambiko kwa-Icasa.
6. Gcwalisa iforomu lesibawo ngokuhlukanisa ngamagabhadlhela.
7. Thumela imitlolo emsuka namakhophi afakazelweko namkha afungelweko ali-16 aphekelelwa yimbadela yesibawo.

Amaforomo angakazaliswa ngokupheleleko azakubuyiselwa kumfakisibawo, begodu akunamuntu ozakubekwa umlandu wokukhisimeza omunye ngalokho.

Kuthatha Isikhathi Esingangani

Ukusebenza isibawo esinjengalesi kungathatha iinyanga ezimbili ukuya kezintathu.

Kubiza malini

Iimali Ezitheliswako/ezibhadeliswako zomnyaka wee-2020/21

Amaforomo azaliswako

Iforomo lesibawo lizakuba yingcenye yamarhelo azakumenyezelwa eGazedeni yomBuso.

Imininingwana yokuthintana