Ka ga | Seo o swanetšego go se dira | Lebaka | E dira tshenyagelo ya bokae | Diforomo tšeo di swanetšwego go tlatšwa | Dintlha tša boikopanyo
Ka ga malebana le tokelo ya go rea dihlapi go dira kgwebo
Go swara dihlapi ka bontši goba go dira mediro ya go amana le go rea dihlapi ka maikemišetšo a go dira kgwebo, sa mathomo o swanetše go ba le tokelo ya go gweba ka go rea dihlapi. O ka dira kgopelo fela ya tokelo ya go gweba ka go rea dihlapi ge go na le taletšo ka Kuranteng ya Semmušo. Taletšo ya mafelelo e bile ka 2005 gomme taletšo ye e latelago e tla bulelwa ka 2013.
Magoro a boreahlapi ao a kgethilwego a go thewa godimo ga Total Allowable Catch goba Effort (TAC/E) a ka fiwa ditokelo tša go gweba ka go rea dihlapi.
Ge o sena go ba le tokelo ya go gweba ka go rea dihlapi, dira kgopelo ya phomete ya kgwebo ya go rea dihlapi go tšwa go Kgoro ya Temo, Dikgwa le Boreahlapi go la Cape Town.
Ela hloko: Ga go na motho yo a ka dirago kgwebo ya go rea dihlapi ntle le phomete. Go tlaleletša phomete, o tla nyaka gape le phomete ya senamelwa sa go rwala dihlapi.
O swanetše go tsošološa phomete ngwaga ka ngwaga. Go palelwa ke go latela dipeelano tša phomete go ka dira gore tokelo e fegwe, e phumulwe goba go fedišwa.
- O swanela go dira eng Taletšo ye e gatišitšwego ka gare ga Kuranta ya Mmušo e tla ba le tshedimošo ka ga lefelo la phatlalatšo moo o ka hwetšago foromo ya kgopelo.
- Bala foromo ya kgopelo ka hlokomelo gomme o netefatše gore o ka kgotsofatša dinyakwa le dipeelano.
- Tlatša, saena le go romela foromo ya kgopelo ya tokelo ya go rea dihlapi le ditokomane tša thekgo tše di kgonthišišitšwego tšeo di tlogo ngwalwa ka gare ga taletšo ka Kuranteng ya Mmušo .
- Lefa tšhelete ye o e beetšwego ya go se bušetšwe morago mo lefelong le le hlaotšwego ke Kgoro ya Temo, Dikgwa le Boreahlapi ka gare ga Kuranta ya Mmušo.
Go lefša bokae Tokelo ya go rea dihlapi:
Tshepetšo ya kgopelo e ka tšea kgwedi e tee goba tše tharo goba go feta go ya ka palo ye e amogetšwego ya dikgopelo. Tshepetšo ya tshekatsheko e tla thoma morago ga letšatši la go tswalela kamogelo ya dikgopelo gomme Kgoro ya Temo, Dikgwa le Boreahlapi e tla tsebiša dipoelo.
Phomete ya go rea dihlapi:
Tshepetšo ya kgopelo ya phomete e ka tšea matšatši a mošomo a šupa goba go feta go ya ka palo ya dikgopelo le go ya ka kgopelo ya go dirwa ka tshwanelo.
Tshedimošo ya tshenyegelo e fiwa fela le taletšo ge e gatišwa ka gare ga Kuranta ya Mmušo.
Diforomo tšeo di swanetšwego go tlatšwa
Diforomo tša kgopelo di tla hwetšwa senthareng ya phatlalatšo ye e tsebišitšwego ka taletšong ya go dira kgopelo ya tokelo ya go rea dihlapi yeo e tlogo tsebišwa semmušo ka kuranteng ya mmušo ge ditokelo tša bjale di felelwa ke nako.
Senthara ya Tirelo ya Badiriši
Tel: 021 402 3911
Fax: 021 402 3367
City/town: Cape Town
Province: Western Cape
Physical address: Customer Service Centre, Department of Agriculture, Forestry and Fisheries, Ground Floor, Foretrust Building, Martin Hammerschlag Way, Foreshore, Cape Town, 8000.
Postal address: Department of Agriculture, Forestry and Fisheries, Private Bag X2, Roggebaai, Cape Town, 8012
