Thomelontle ya ditlhapi mabakeng a kgwebo

Ka ga
Seo o swanetšego go se dira
Lebaka
E dira tshenyagelo ya bokae
Diforomo tšeo di swanetšwego go tlatšwa
Dintlha tša boikopanyo

 

 

Ka ga kgopelo ya go romela hlapi dinageng tša ntle ka lebaka la kgwebo

Gore o kgone go romela hlapi ye bjalo ka ‘marine fish’ dinageng tša ntle ka maikemišetšo a kgwebo, o swanetše go dira kgopelo ya phemiti go Kgoro ya Temo, Dikgwa le Dihlapi. 

Ge o dira kgopelo ya phemiti ya thomelontle ya bigeye tuna, southern bluefin tuna, swordfish, Antarctic toothfish, le Patagonian toothfish, o swanetše go fana ka tokumente ya malebana le dipalopalo tša morwalo wo mongwe le wo mongwe.

Ditokumente tša dipalopalo tša dihlapi tše swerwego di hwetšagala Kgorong ya Temo, Dikgwa le Dihlapi, Lekala la: Fisheries Management.

Hlokomela: Phemiti ye ya go romela dihlapi dinageng tša ntle e felelwa ke mošomo morago ga dikgwedi tše tharo gomme ga e akaretše dihlapi tše nanana tša ka meetseng. O swanetše go dira kgopelo ya phemiti ye nngwe morago ga gore ya mathomo e felelwa ke nako ya go šoma. Ge o ka palelwa ke go obamela mabaka a a beetšwego phemiti ya gago, phemiti yeo e ka phumulwa goba ya fegwa.

Ge o nyaka go romela dihlapi tša mehuta ye e lego lenaneong la CITES (Convention on International Trade in Endangered Species) o ka ikopanya le Kgoro ya Merero ya Tikologo.

Seo o swanetšego go se dira

  1. Tsebiša lekala la kgauswi le wena la South African Bureau of Standards (SABS) mabapi le morwalo wo o nyakago go o romela ntle ge e le gore dihlapi tše o di romelago ga se tše nanana ebile ga se tša go lewa ke batho.
  2. Ge dihlapi e le tše nanana ebile di loketše go lewa ke batho, o swanetše go tsebiša Port of Health.
  3. Eya Kgorong ya Temo, Dikgwa le Dihlapi ya Cape Town: Ground Floor, Branch: Fisheries  Management, Foretrust Building, Martin Hammerschlag Way, Foreshore, Cape Town gore o hwetše fomo ya Kgopelo ya thomelontle ya dihlapi.
  4. Tlatša fomo ya kgopelo ka tshedimošo ye e latelago:
    • diatrese tša moago wa baamogedi ba dihlapi tšeo nageng ya ntle
    • maina a tlwaelo le a saense a mehuta ya dihlapi tše romelwago ntle
    • bontši bja dihlapi tše romelwago ntle
    • dikhopi tša ditokumente tša dipalopalo di swanetše go fiwa malebana le bigeye tuna, southern bluefin tuna, swordfish, Antarctic toothfish, le Patagonian toothfish tše di rometšwego ntle ka fase ga phemiti ya peleng ya thomelontle ya dihlapi
    • pukwana ya gago ya boitsebišo (ID) le ditokumente tša boingwadišo tša khamphaniya gago, CC goba traste
    • diphemiti tša maleba tša thomelontle ya dithoto go tšwa go Kgoro ya Kgwebo le Intasteri goba ditsebišo tša phemiti (ITAC)
    • setifikeiti sa motšhelo (tax clearance) se se dumeletšwego le go fiwago ke South African Revenue Services (SARS).
  5. Ge e le gore kgopelo e dirwa ke motho yo mongwe legatong la yo mongwe, go swanetše go fiwa tumellano ye e saentšwego ke batho bao ba babedi mmogo le dikhopi tša di-ID tša batho bao
  6. Ge o se na le phemiti ya tokelo ya go thea dihlapi, o swanetše go fana le ka tše di latelago:
    • bohlatse le atrese ya moago wa motho/khamphani ye e go fago morwalo wa dihlapi tše di romelwago ntle
    • maina a tlwaelo le a saense a mehuta ya dihlapi tše romelwago ntle
    • boleng/bontši bja dihlapi tše romelwago ntle.
  7. Lefa tšhelete ye e beilwego ka akhaonteng ye e latelago:
    Panka: First National Bank
    Nomoro ya akhaonte: 62123256382
    Mohuta wa akhaonte: Current
    Leina la akhaonte: Marine Living Resources Fund
    Leina la lekala: Corporate Account Service Cape Town
    Khoute ya lekala: 204109
    Tiela senthara ya badirelwa gore o hwetše nomoro ya boitšhupo (021 402 3911 / 0860 000 3474)
  8. Romela difomo tša kgopelo go Kgoro ya Temo, Dikgwa le Dihlapi: Private Bag X2, Roggebaai, Cape Town, 8012. O swanetše go romela ka poso goba ka letsogo difomo tša setlogo tše tladitšwego; wa se dire bjalo o ka se fiwe phemiti.

Lebaka

Go ka tšea matšatši a 7 a mo bekeng goba go feta; go tlo laolwa ke gore kgopelo e rometšwe ka tsela ya maleba le go ba gona ga bohlatse bja tefo.

E dira tshenyagelo ya bokae

Ditefišo tša 2018/19

Diforomo tšeo di swanetšwego go tlatšwa

Eya go Kgoro ya Temo, Dikgwa le Dihlapi ya Cape Town: Ground Floor, Branch: Fisheries  Management, Foretrust Building, Martin Hammerschlag Way, Foreshore, Cape Town gore o hwetše fomo ya Kgopelo ya thomelontle ya dihlapi.

Dintlha tša boikopanyo

 

Share this page