Dira dikgopelo go komiti ya ditirelo tše bohlokwa go netefatša gore tirelo yeo ke tirelo ye bohlokwa
Mongmošomo a ka dira dikgopelo go Komiti ya Ditirelo tše Bohlokwa (ESC) go netefatša ge eba kgwebo ke tirelo e bohlokwa.
Tirelo e bohlokwa e šupa tirelo ye e lego gore, ge e ka šitišwa, e ka bea kotsing goba ya tshwenyana le maphelo goba seemo sa maphelo a batho, mohlala, maokelo le ditirelo tša sepodisa.
Nakong ya go ngala mošomo, yo mongwe le yo mongwe yo a amegago diphapanong mabapi le e nngwe ya ditaba tše di latelago a ka e iša go komiti ya ditirelo tše bohlokwa:
- ge eba tirelo ye e itšego ke tirelo e bohlokwa goba aowa.
- ge eba mošomi goba mongmošomo o tsenetše tirelo ye e hlathilwego go ba tirelo ye bohlokwa goba aowa.
Tlatša foromo ya LRA4.2 - CCMA ya go fetetša diphapano gore di hlathwe go ba tša ditirelo tše bohlokwa goba aowa gomme o e romele go Khomišene ya Kagišo, Poelano le Bonamodi (CCMA).
Hwetša dintlha ka botlalo mabapi le mošomo wa Komiti ya Ditirelo tše Bohlokwa goba ikgokaganye le CCMA.
Call centre: 0861 16 16 16