Ge e le gore o belegwe ka Afrika Borwa gomme wo tee wa batswadi ba gago e le modudi wa Afrika Borwa goba e le motho yo a nago le phemiti ya sa ruri ya go dula ka Afrika Borwa, goba ge e le gore o godišwa ke modudi wa Afrika Borwa goba modudi wa sa ruri, o na le maswanedi a go ba modudi.
O ka dira kgopelo ya bodudi bja Afrika Borwa ka setlogo goba ka tlhago.
O ka dira kgopelo ya go tšwela pele ka bodudi bja gago pele ga ge o ka hwetša bodudi bja naga ye nngwe. Ka ntle le ge fela o filwe tumelelo ya go tšwela pele go ba modudi pele ga ge o ka hwetša bodudi bja naga ye nngwe, o tla lahlegelwa ke bodudi bja Afrika Borwa semeetseng.
O ka dira kgopelo ya gore bodudi bja gago bja Afrika Borwa bo bušetšwe ge e le gore o modudi wa ka nageng wa peleng ka matswalo goba ka setlogo ebile o boetše ka Afrika Borwa sa ruri.
O ka fediša bodudi bja gago bja Afrika Borwa ge e le gore o nyaka go hwetša bodudi bja naga ye nngwe.
O ka dira kgopelo ya go lokollwa gore o se lahlegelwe ke bodudi bja gago ge e le gore o hweditše bodudi bja naga ye nngwe pele ga la 6 Diphalane 1995.
Hwetša dintlha ka botlalo mabapi le bodudi goba ikgokaganye le Kgoro ya Merero ya Selegae.
