Kgopelo ya go mpshafatša boingwadišo bja dibjalo tša go

Ka ga

Seo o swanetšego go se dira

Lebaka

E dira tshenyagelo ya bokae

Diforomo tšeo di swanetšwego go tlatšwa

Dintlha tša boikopanyo

Mabapi le go dira kgopelo ya semela sa go kgatlela

Gore o kgone go šoma ka semela sa go kgatlela, o swanetše go se ngwadiša le Registrar of Act 36 of 1947. Semela sa go kgatlela se šomišwa go kgatlela ditšweletšwa tša diphoofolo goba phoofolo efe le efe ye e hlalošwgao ke Tona.

Gore o kgotsofatše dinyakwa:

• semela seo sa go kgatlela se swanetše go ba sa mo Afrika Borwa
• o swanetše go hwetša pego ya Bahlahlobi ba Diphoofolo go tšwa mmušong le tša Bahlankedi ba Maphelo a Tikologo profeseng ya geno. 
• semela se swanetše go:
  • kgotsofantša dinyakwa tša bohlweki
  • kgotsofatša dinyakwa tša melawana ya dimela tša go kgatlela
  • ba le lefelo le lebotse la go bolokela
  • šoma ka ditšweletšwa tša diphoofolo tše di se nago diphedi tša phatotšenike.

Morago ga gore Moretšistra a amogele fomo ya gago ya kgopelo le dipego tša bahlahlobi, mohlahlobi go tšwa go Act 36 of 1947 o tlo lekola ge e le gore semela seo sa go kgatlela se kgotsofatša dinyakwa tša Molao (Act 36 of 1947).

Ge Moretšistra a kgotsofaditšwe ke tekolo, semela se tlo ngwadišwa gomme wa fiwa setifikeiti. Setifikeiti sa semela sa go kgatlela se šoma tekano ya mengwaga ye meraro. O swanetše go dira kgopelo ya go se tsošološa pele ga 31 Matšhe ngwageng wo setifikeiti seo se tlogo felelwa ke mošomo.

Hlokomela: Moretšistra wa Act 36 of 1947 o tlo phumula boingwadišo bja gago neng goba neng ge:

• o tshetše goba o paletšwe ke go kgotsofatša molao wa Fertilizers, Farm Feeds, Agricultural Remedies and Stock Remedies Act, 1947 (Act 36 of 1947)
• o paletšwe ke go kgotsofatša mabaka a boingwadišo
• semela sag ago ga se kgotsofatše mabaka a a beilwego goba se sa hlwe se kgone go šoma go kgatlela
• semela sa gago se thulana le dikgahlego tša setšhaba

Seo o swanetšego go se dira

1. Ikopanya le Kgoro ya Temo profenseng ya geno gomme o kgopele Bahlahlobi ba Diphoofolo le Bahlankedi ba Maphelo ba tikologo ya geno.
2. Kgopela Bahlahlobi ba Diphoofolo le Bahlankedi ba Maphelo a Tikologo gore bat le go lekola semela sa gago sa go kgatlela gore o kgone go hwetša dipego tša bona.
3. Morago ga go hwetša dipego tšeo, o swanetše go nyaka fomo ya kgopelo ya go ngwadiša semela sa go kgatlela mo inthaneteng gomme o e tlatše. Ka go le lengwe, o ka hwetša fomo yeo Ofising ya Moretšistra go la Agriculture Place, 20 Steve Biko Street, Arcadia, Pretoria.
4. Lefa tšhelete ye e beilwego ka tšheke, otara ya poso, otara ya tšhelete go Director-General: The Department of Agriculture, Forestry and Fisheries. Ge e le gore o iša kgopelo ya gago le tefo ya yona ka letsogo, o swanetše go kgonthiša gore o fiwa rasiti ya go hlatsela tefo ya gago. Ge o lefa ka Electronic Transfer Account, o swanetše go lefa ka mo akhaonteng ye e latelago:
   Leina la akhaonte: NDA-ACT36 of 1947
   Nomoro ya akhaonte: 11 2031 02
   Boitšhupo: 13SP1 le leina la semela, khoute ya lekala: 01 0845,
   leina la panka: Standard Bank.
5. O swanetše go mamaretša tše di latelago mo fomong ya gago ya kgopelo:
   • Bohlatse bja tefo
   • Pego ya bahlankedi ba diphoofolo le ya bahlankedi ba maphelo a tikologo
   • Leanofelo le tsela ya go tšweletša
6. Romela ditokumente tša gago tša kgopelo ka poso go: The Registrar Act 36 of 1947, Private Bag X343, Pretoria 0001 goba ka letsogo go: The Registrar Act 36 of 1947, Agriculture Place, 20 Steve Biko Street, Pretoria

Lebaka

Go tšea dikgwedi tša go fihla go tše nne.

E dira tshenyagelo ya bokae

Ditefišo tša 2024/25

Diforomo tšeo di swanetšwego go tlatšwa

Application for registration of a sterilising plant

Dintlha tša boikopanyo