Bjalo ka mongmošomo yo a ngwadišitšego, o swanetše go lefa persente ye e itšego ya mogolo wa mošomi go Sekhwama sa Phumulamegokgo.
O swanetše go iša pego yeo e hlalošago megolo yeo ka botlalo ngwaga ka ngwaga.
Pego ya megolo e swanetše go laetša maemo a kgwebo ya gago, palo ya bašomi gotee le tšhelete yeo o ba lefilego bjalo ka (megolo le diputseletšo) tša nako yeo ya tekolo, go tloga mathomong a Hlakola go fihla mafelelong a Dibokwane (ngwaga wa motšhelo).
Hwetša dintlha ka botlalo mabapi le go iša dipego tša megolo go Sekhwama sa Phumulamegokgo goba o ikopanye le Sekhwama sa Phumulamegokgo.
